ކޮވިޑް-19 ފެތުރުން ކޮންޓުރޯލް ކުރުމަށް ރާއްޖޭގައި ފަށައިފައިވާ ކޮވިޑް-19 ވެކްސިން ކެމްޕެއިންގެ ތެރެއިން ކޮވިޑް-19 ވެކްސިންގެ ދެވަނަ ޑޯޒް ޖެހިމީހުންގެ އަދަދު 50،000 އިން މައްޗަށް އަރައިފިއެވެ.
ހެލްތް ޕުރޮޓެކްޝަން އެޖެންސީ (އެޗްޕީއޭ) އިން ކޮވިޑް-19 ވެކްސިން ކެމްޕެއިންގެ އެންމެފަހުގެ ތަފާސްހިސާބު ހާމަކުރަމުން މިއަދު ވިދާޅުވީ، މިހާތަނަށް ކޮވިޑް-19 ވެކްސިންގެ ދެވަނަ ޑޯޒް ޖެހިމީހުންގެ އަދަދަކީ 51،350 ކަމަށެވެ.
އެޗްޕީއޭ އިން އިތުރަށް ވިދާޅުވީ، އިއްޔެ ކޮވިޑް-19 ވެކްސިންގެ ދެވަނަ ޑޯޒް ޖެހިމީހުންގެ އަދަދަކީ 5،533 ކަމަށާއި މީގެތެރެއިން މާލޭ އޭރިއާގައި ދެވަނަ ޑޯޒް ޖެހިމީހުންގެ އަދަދަކީ 3،366 ކަމަށާއި އަދި އަތޮޅުތެރޭ ރައްތަކުގައި ވެކްސިންގެ ދެވަނަ ޑޯޒް ޖެހިމީހުންގެ އަދަދަކީ 2،167 ކަމަށެވެ.
*️⃣ COVID-19 : Vaccination Updates
19.04.2021
Number of people who have received the first dose -
Greater Malé Area: 277
Atolls: 1,848Number of people who have received the second dose -
Greater Malé Area: 3,366
Atolls: 2,167 pic.twitter.com/p6ukh4Rx2G— Health Protection Agency (@HPA_MV) April 20, 2021
ރާއްޖޭގައި ކޮވިޑް-19 ވެކްސިން ދޭންފަށައިފައިވަނީ ފެބުރުއަރީ މަހު އެއްވަނަ ދުވަހުއެވެ. ރާއްޖޭގެ މީހުން ދިރިއުޅޭ ހުރިހާ ރަށެއްގައި މިވަގުތު ވެކްސިން ދިނުން ކުރިއަށްދާއިރު ރާއްޖޭގައި ދެމުންދަނީ ކޮވިޝީލްޑް ވެކްސިނާއި ސިނޮފާމް ވެކްސިނެވެ.
މުޅި ޖުމްލަ މިހާތަނަށް ރާއްޖޭގައި 283،973 މީހުންނަށް ވެކްސިންގެ ފުރަތަމަ ޑޯޒްވަނީ ދީފައެވެ.
