ހދ. ކުޅުދުއްފުށިން އިތުރު 3 މީހަކު ކޮވިޑަށް ޕޮޒިޓިވް ވެއްޖެއެވެ.
ކުޅުދުއްފުށީ ރީޖަނަލް ހޮސްޕިޓަލުގެ މެނޭޖަރު އޮފް ހެލްތް ސާވިރސަސް އަހުމަދު ދާއޫދު (ޑޭވިޑް) އިއްޔެ ފުލޫ އޯޕީޑީއިން ޕޮޒިޓިވްވި ކޭސްއާ ގުޅިގެން އެންމެ ކައިރިން ކޮންޓެކްޓްސްގެ ގޮތުގައި ފާހަގަ ވީ ފަރާތްތަކުގެ ތެރެއިން އިތުރު 3 ފަރާތެއް މިއަދު ޕޮޒިޓިވްވެފައިވާ ކަމަށެވެ.
ކުޅުދުއްފުށީ ފުލޫ އޯޕީޑީއިން ޕޮޒިޓިވްވި ކޭސްއާއި ގުޅިގެން ނެގުނު ސާމްޕަލްތަކުގެ ތެރެއިން އިތުރު ދެފަރާތެއް އިއްޔެވެސްވަނީ ކޮވިޑަށް ޕޮޒިޓިވްވެފައެވެ. އެހެންކަމުން ޕޮޒިޓިވްވި މީހުންގެ އަދަދު މިހާރުވަނީ 6 ކަށް އަރާފައެވެ.
މީގެއިތުރުން އެއްވެސް ކަހަލަ އަލާމާތެއް ހުރި ނަމަ ލަސް ނުކޮށް ޓެސްޓު ކުރުމަށާއި، ނުވަތަ ކޮވިޑް ހޮޓްލައިނަށް (7606688) ގުޅައި ނުވަތަ އެސްއެމްއެސް/ވައިބަރ ކުރުމަށްވެސްވަނީ އެދިފައެވެ.
https://feshun.wonstasite.com/120735
