އިދިކޮޅު ކޯލިޝަން ހިންގެވުމާއި ވަގުތީގޮތުން ހަވާލުވެ ހުންނެވި، ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) އާއި އޭނާގެ އަންހެނުން ދިޔާނާ ހުސެއިން ކޮވިޑް-19 އަށް ޕޮޒިޓިވް ވެއްޖެއެވެ.
އަދުރޭއާއި އޭނާގެ އަންހެނުން ކޮވިޑް-19 އަށް ޕޮޒިޓިވް ވެފައިވަނީ މިއަދުއެވެ. އަދުރޭ އަކީ ހައި ރިސްކް ބޭފުޅަކަށް ވާއިރު، ކޮވިޑް-19 އަށް ފަރުވާ ހޯއްދަވަމުން ދަނީ ގޭގައި ތިއްބަވައިގެންނެވެ.
ދިވެހިރާއްޖެއިން އިއްޔެވެސް އިތުރު 2194 މީހަކު ކޮވިޑް-19 އަށް ޕޮޒިޓިވްވެފައިވާއިރު، މިއީ މިހާ ގިނަ ބަޔަކު އެއްދުވަހަކު މި ބައްޔަށް ޕޮޒިޓިވްވި ފުރަތަމަ ދުވަހެކެވެ.
ކޮވިޑް-19 މިހާރު ފަރުވާ ހޯދަމުންދާ މީހުންގެ އަދަދު 20276 ގައި އުޅޭއިރު، މި ބަލިން ފަސޭހަވެފައިވަނީ 30403 މީހުންނެވެ. މި ބަލީގައި ރާއްޖެއިން މިހާތަނަށް 118 މީހަކު މަރުވެފައިއިވެއެވެ.
