މިއަދު އިރުއޮއްސުނު ފަހުން ކޮވިޑް-19 ގައި ރާއްޖެއިން އިތުރު 3 ދިވެހިން ނިޔާވެއްޖެ އެވެ.
ކޮވިޑުގައި މިއަދު އިރުއޮއްސުނު ފަހުން އިތުރު ތިން ދިވެއްސަކު ނިޔާވެފައިވާކަން ހެލްތް ޕުރޮޓެކްޝަން އެޖެންސީ (އެޗްޕީއޭ) އިން ދެންމެ ހާމަކޮށްފައިވާއިރު، ވިދާޅުވީ ނިޔާވެފައިވާ ތިން މީހުންނަކީވެސް ހުޅުމާލޭ މެޑިކަލް ފެސިލިޓީގައި ފަރުވާދެމުންދިޔަ ތިން މީހުންކަމަށެވެ.
އެގޮތުން މިރޭ ނިޔާވި ފުރަތަމަ މީހާ ނިޔާވެފައިވަނީ މިރޭ 06:40 ގައިއެވެ. އެއީ އުމުރުން 79 އަހަރުގެ ދިވެހި އަންހެނެކެވެ. އަދި ދެވަނަ މީހަކު މިރޭ 07:53 ގައި ނިޔާވެފައިވާއިރު އެއީ އުމުރުން 68 އަހަރުގެ ދިވެހި އަންހެނެކެވެ. އަދި ތިންވަނަ މީހާ ނިޔާވެފައިވަނީ މިރޭ 08:12 ގައެވެ. އޭނާއަކީ އުމުރުން 78 އަހަރުގެ ދިވެހި ފިރިހެނެކެވެ.
Today at 06:40 pm a 79-year-old Maldivian female admitted at HMF has passed away
This is the 127th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven
— Health Protection Agency (@HPA_MV) May 23, 2021
Today at 07:53 pm a 68-year-old Maldivian female admitted at HMF has passed away
This is the 128th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven
— Health Protection Agency (@HPA_MV) May 23, 2021
Today at 08:12 pm a 78-year-old Maldivian male admitted at HMF has passed away
This is the 129th COVID-19 death in the Maldives
Our thoughts and prayers are with the bereaved family. May Allah grant his soul eternal peace in heaven
— Health Protection Agency (@HPA_MV) May 23, 2021
މިތިން މަރާއެކު ކޮވިޑް-19 ގައި މިއަދު ރާއްޖެއިން ނިޔާވި މީހުންގެ އަދަދު 6 ކަށް އަރާފައިވާއިރު، މިބަލި ޖެހިގެން ރާއްޖެއިން ނިޔާވި މީހުންގެ އަދަދު މިވަނީ 129 އަށް އަރާފައެވެ. އޭގެތެރޭގައި ހިމެނެނީ 114 ދިވެހިންނާއި 15 ބިދޭސީންނެވެ.
މިއަދު ނިޔާވި އަނެއް ތިން މީހުންގެ ތެރޭގައި ހިމެނެނީ ހުޅުމާލޭ ކޮވިޑް ފެސިލިޓީގައި ފަރުވާ ދެމުން ދިޔަ ދެ މީހަކާއި، ދަރުމަވަންތަ ހޮސްޕިޓަލުގެ ޑީއެޗް17 ގައި ފަރުވާ ދެމުންދިޔަ މީހެކެވެ. އެގޮތުން މިއަދު ފުރަތަމަ ނިޔާވެފައިވަނީ އުުމުރުން 66 އަހަރުގެ ދިވެހި ފިރެހެނެކެވެ. ހުޅުމާލޭ މެޑިކަލް ފެސިލިޓީގައި ފަރުވާދެމިންދިޔަ އެމީހާ ނިޔާވެފައިވަނީ މިއަދު ހެނދުނު 08:07 ގައެވެ. އަދި އޭގެ ފަހުން ހުޅުމާލޭ މެޑިކަލް ފެސިލިޓީގައި ފަރުވާދެމުން ދިޔަ އުމުރުން 62 އަހަރުގެ ދިވެހި އަންހެނަކުވަނީ ނިޔާވެފައެވެ. މިއަދު ތިންވަނައަށް ނިޔާވެފައިވަނީ ދަރުމަވަންތަ ހޮސްޕިޓަލުގެ ޑީއެޗް17 ގައި ފަރުވާ ދެމުންދިޔަ އުމުރުން 80 އަހަރުގެ ދިވެހި ފިރިހެނެކެވެ.
މި ބަލީގައި ރާއްޖެއިން އެންމެ ގިނަ މީހުން ނިޔާވީ މި މަހު އެވެ.
