މެކްސިކޯގެ ކަނޑުގެ ސަރަހައްދުގެ އަޑިން އަޅައިފައިވާ ގޭސް ހޮޅިއެއް ފަޅައިގެންގޮސް އެސަރަހައްދުގެ މޫދުގައި އަލިފާން ރޯވެއްޖެއެވެ.
މިހާދިސާ ހިނގައިފައިވަނީ، ގަލްފް އޮފް މެކްސިކޯގެ ދެކުނުންނެވެ. ހާދިސާ ހިނގަން މެދުވެރިވީ ކަނޑު އަޑިން އަޅައިފައިވާ މި ގޭސްހޮޅި ފަޅައިގެންގޮސް ގޭސް ލީކުވުމުންނެވެ. ގޭސް ލީކުވުމުގެ ސަބަބުން މުޅި އެސަރަހައްދުގެ މޫދުގެ މަތީފަށަލައިގަޔާ އެއްކޮށްވަނީ އަލިފާން ހިފައިފައެވެ.
ގޭސް ހޯޅި ފަޅައިގެން ގޮސް އަލިފާން ހިފުމުގެ ސަބަބުން އެއްވެސް މީހަކަށް ގެއްލުމެއް ލިބިފައި ނުވާއިރު ފަސްގަޑިއިރުގެ މަސައްކަތައްފަހު ރޯވި އަލިފާންގަނޑުވަނީ ނިއްވައިލައިފައެވެ. މިހާދިސާ ހިނގިތާ 150 މީޓަރު ދުރުގައި ތެޔޮނެގުމަށް ހާއްސަ ޑުރިލިން ޕުލެޓްފޯމެއްވެސް ހުއްޓެވެ.
???? Incendio registrado en aguas del Golfo de México
A 400 metros de la plataforma Ku-Charly (dentro del Activo Integral de Producción Ku Maloob Zaap)
Una válvula de una línea submarina habría reventado y provocado el incendio
Esta fuera de control hace 8 horas pic.twitter.com/KceOTDU1kX
— Manuel Lopez San Martin (@MLopezSanMartin) July 2, 2021
މައުލޫމާތު ލިބޭގޮތުގައި ލީކުވި ގޭސް ހޮޅިއަކީ މެކްސިކޯ ސަރުކާރު ހިއްސާވާ ޕެޓްރޯލިއަމް ކުންފުނި ޕެމެކްސްގެ ގޭސް ހޮޅިއެކެވެ. ގޭސް ލީކުވާން ފަށައިފައިވަނީ މެކްސިކޯ ގަޑިން ހުކުރުދުވަހު ފަތިހު 5:15 ހާއިރުކަމަށް ބޭރުގެ ބަޔެއް މީޑިއާ ރިޕޯޓުތައް ބުނެއެވެ. މި ގޭސްހޮޅިއަކީ 12 އިންޗީގެ ފަލަ ހޮޅިއެކެވެ. ޕެމެކްސް އިން ބުނި ގޮތުގައި ކަނޑުގެ ލޮނުގަނޑު މަތީގައި ރޯވި އަލިފާންގަނޑު ނިއްވައިލީ، ކަނޑު އަޑީގައި އޮތް ގޭސް ހޮޅި އަށް ގޭސް ފޮނުވައިދޭ ކޮޅުގެ ވޭލު ބަންދުކޮށްލައިގެންނެވެ.
