ކޮވިޑް-19 އަށް މިއަދު ފައްސިވެފައިވަނީ 139 މީހުން ކަމަށް ހެލްތް ޕުރޮޓެކްޝަން އެޖެންސީ (އެޗްޕީއޭ) އިން ވިދާޅުވެއްޖެއެވެ.
އެޗްޕީއޭ އިން ކޮވިޑް-19ގެ އެންމެފަހުގެ ތަފާސްހިސާބު ހާމަކުރަމުން މިރޭ ވިދާޅުވީ ފާއިތުވެދިޔަ 24 ގަޑިއިރުގެ ތެރޭ ކޮވިޑް-19 އަށް ޓެސްޓުކޮށްފައިވަނީ 4،745 ސާމްޕަލް ކަމަށާއި އޭގެތެރެއިން ފައްސިވެފައިވަނީ 139 ސާމްޕަލް ކަމަށެވެ.
ކޮވިޑް-19 އަށް މިއަދު އަލަށް ފައްސިވި މީހުންގެ ތެރޭގައި ހިމެނެނީ، މާލޭ އޭރިއާއިން 26 މީހުން، އަތޮޅުތެރޭ ރައްތަކުން 81 މީހުން، ރިސޯޓުތަކުން 08 މީހުން، ފަތުރުވެރިންނަށް ހާއްސަ ކަނޑު އުޅަނދުތަކުން 02 މީހުން، އަދި ސިނާއީ މަސައްކަތްކުރާ ރައްތަކުން 22 މީހުންނެވެ.
✳️ COVID-19 : Case Updates pic.twitter.com/GY8JDleBid
— Health Protection Agency (@HPA_MV) July 7, 2021
މިއަދު އަލަށް ކޮވިޑް-19 އަށް ފައްސިވި މީހުންނާއެކު މުޅި ޖުމްލަ މިހާތަނަށް ރާއްޖެއިން ފައްސިވި މީހުންގެ އަދަދުވަނީ 74،724 އަށް އަރައިފައެވެ. މިވަގުތު މިބައްޔަށް ފަރުވާ ހޯދަމުން އައްނަ މީހުންގެ އަދަދަކީ 2،932 މީހުންނެވެ. މީގެތެރެއިން 22 މީހުންނަށް ފަރުވާދެމުން އައްނަނީ ހޮސްޕިޓަލުގައި އެޑްމިޓުކޮށްގެންނެވެ.
