ކޮވިޑް-19 އިން ދިފާއުވުމަށް ދުނިޔޭގައި އެންމެ ފުރަތަމަ އުފެއްދި ޑީ.އެން.އޭ ކޮވިޑް ވެކްސިން އެމެޖެންސީ ހާލަތްތަކުގައި ދިނުމުގެ ހުއްދަ އިންޑިއާގެ ޑްރަންގް ރެގިއުލޭޓަރ އިން ދީފިއެވެ.
އިންޑީއާގެ ބޭސް ކުންފުނި ޒައިޑަސް ކެޑިލާއިން އުފެއްދި ތިން ޑޯޒުގެ މި ޑީ.އެން.އޭ ކޮވިޑް ވެކްސިންގެ ނަމަކީ ޒައިކޮވްޑީ (ZyCoV-D) އެވެ.
މި ވެކްސިން ދިނުމަށް ހަމަޖެހިފައިވަނީ 12 އަހަރުން މަތީގެ މީހުންނަށެވެ. މި ވެކްސިނަކީ ހާއްސަކޮށް ފެތުރެމުންދާ ނުރައްކާތެރި ޑެލްޓާ ވޭރިއެންޓާއި ދެކޮޅަށް މަސައްކަތް ކުރާނެ ވެކްސިނެއްކަމަށް ކެޑިލާއިން ވަނީ ބުނެފައެވެ.
އިންޑިއާގެ ވެކްސިން ޖެހޭ އާބާދީއަށް އެއްކޮށް ވެކްސިން ދިނުމުގެ މަސައްކަތް ކުރިއަށްދާއިރު، މިހާތަނަށް 570 މިލިއަން ޑޯޒުގެ ވެކްސިްނ މީހުންނަށް ދީފައިވާ ކަމަށް ބީބީސީ އިން ވަނީ ރިޕޯޓުކޮށްފައެވެ. އެއީ އިންޑިއާގައި ޖަހަން ހުއްދަ ދީފައިވާ، ކޮވިޝީލްޑާއި، ކޮވެކްސް އަދި ސްޕަޓްނިކް ވީ އެވެ.
