ކޮވިޑް-19 އަށް ޕޮޒިޓިވްވުމާއި ގުޅިގެން އައްޑޫގައި ކަރަންޓީނުގައި ހުރި ދިވެއްސަކު އެ ބަލީގައި ނިޔާވެއްޖެއެވެ.
އައްޑޫ އިކްއެޓޯރިއަލް ހޮސްޕިޓަލުން ދެންމެ ކުރި ޓްވީޓެއްގައި ބުނީ، އައްޑޫ މެޑީކަލް ފެސިލިޓީއަށް ގެނައި 92 އަހަރުގެ އަންހެނަކު މިއަދު 7:20 ގައި ކޮވިޑް ބަލީގައި ނިޔާވެފައިވާ ކަމަށެވެ. އަދި އެއީ ކަރަންޓީނުގައި ހުރި އަންހެނެއްކަމަށްއ އެ ހޮސްޕިޓަލުން ހާމަކުރިއެވެ.
އެއާއެކު މިއީ އައްޑޫ ސިޓީން ކޮވިޑް ބަލީގައި ނިޔާވި 3 ވަނަ މީހާއެވެ. އަދި މި މަރާއެކު ރާއްޖެއިން ކޮވިޑް ބަލީގައު ނިޔާވި މީހުންގެ އަދަދު 224 އަށް އަރައެވެ.
އިއްޔެވެސް މި ބަލީގައި ރާއްޖެއިން މީހަކު ނިޔާވެފައިވާއިރު، އިއްޔެ ނިޔާވީ 19 ދުވަސްފަހުން މި ބަލީގައި ނިޔާވި ފުރަތަމަ މީހާއެވެ.
Today a 92-year-old Maldivian female in quarantine brought to ACMF was declared dead at 7:20am
This is the 3rd COVID-19 death in Addu City
Our thoughts and prayers are with the bereaved family.
إِنَّا لِلّهِ وَإِنَّـا إِلَيْهِ رٰجِعونَ
— Addu Equatorial Hospital (@aeh_mv) August 23, 2021
ރާއްޖެއިން ކޮވިޑް-19 ބަލީގައި މިއަހަރު ތެރޭ އެންމެ ގިނަ މީހުން ނިޔާވެފައި ވަނީ މެއި މަހުގެ ތެރޭގައެވެ.
ރާއްޖޭގެ ކޮވިޑް-19 ގެ ހާލަތަށް އަޅައިފައިވާ ހަރުކަށި ފިޔަވަޅުތައް ނިމުމަކަށް ގެނެސް، އާންމު ހާލަތަކަށް އާދެވިފައިވާއިރު، ސަރުކާރުން ވަނީ ރާއްޖޭގައި ކޮވިޑް އިން ދިފާއުވުަމށް ޖަހާ ވެކްސިން ރައްޔިތުންނަށް ދިނުމުގެ ބޮޑު ޕްރޮގްރާމެއް ފަށައިފައެވެ.
އެއާއެކު މިހާރު މުޅި ރާއްޖެއިން 24 ގަޑިއިރުތެރޭ ބައްޔަށް ޕޮޒިޓިވްވަނީ ސަތާކަ އެއްހާ މީހުންނެވެ.
