ރާއްޖޭގައި ވެކްސިން ޖެހޭ އާބާދީ، 18 އަހަރުން މަތީގެ މީހުންގެ ތެރެއިން 84 އިންސައްތަ މީހުން ވެކްސިންގެ ފުރަތަމަ ޑޯޒު ފުރިހަމަކޮށްފިއެވެ.

މިއަދު ރައީސް މިއަދު ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން މަބްރޫކް ވިދާޅުވީ، ކޮވިޑް-19 އިން އަރައިގަތުމަށް ރާއްޖެއިން ކުރާ މަސައްކަތުގެ ތެރެއިން ދުނިޔޭގެ ފެންވަރުގައިވެސް ބޮޑު ކާމިޔާބީއެއް ރާއްޖެއިން ހޯދައިފައިވާ ކަމަށެވެ.

އެގޮތުން މަބްރޫކް ވިދާޅުވީ ރާއްޖޭގެ އާބާދީގައި ހިމެނޭ 18 އަހަރުން މަތީގެ މީހުންގެ ތެރެއިން 84 ޕަސަންޓް މީހުން ވެސް ކޮވިޑް ވެކްސިންގެ އެއް ޑޯޒް މިހާރު ޖަހާފައިވާ ކަމަށެވެ. އަދި 12 އަހަރުން މަތީގެ ދަރިވަރުންގެ ތެރެއިން 81 އިންސައްތަ ދަރިވަރުންވެސް ވެކްސިންގެ ފުރަތަމަ ޑޯޒު ފުރިހަމަކޮށްފައިވާ ކަމަށް މަބްރޫކް ވިދާޅުވިއެވެ.

މަބްރޫކް ވިދާޅުވީ، ރާއްޖޭގެ އާބާދީގައި ހިމެނޭ 12 އަހަރާއި 17 އަހަރާ ދެމެދުގެ ދަރިވަރުންގެ ތެރެއިން 66 އިންސައްތަ ދަރިވަރުން ވެކްސިންގެ ދެ ޑޯޒު ފުރިހަމަކޮށްފައިވާ ކަމަށެވެ. އަދި އުންމީދަކީ މި މަސް ނިމެންވާއިރަށް 90 ޕަސަންޓްއަށް މި އަދަދުތައް ގެންދިއުން ކަމަށްވެސް މަބްެރޫކް ވިދާޅުވިއެވެ. 

މަބްރޫކް ވިދާޅުވީ، ވަރަށް އަވަހަށް ރާއްޖޭގެ ވެކްސިން ޖެހޭ އެންމެންނަށް ވެކްސިން އެއްކޮށް ޖެހި ކޮވިޑްގެ މި ނުރައްކާތެރިކަން ވީ އެންމެ ރަނގަޅަކަށް ތިރި ކުރެވި ކުރިޔަށް ދިޔުމުގައި އިގްތިސާދީ ހަރަކާތްތައް ކުރިޔަށް ގެންދެވޭނެ ގައުމެއް ގޮތުގައި އޮތުމަކީ އުއްމީދެއް ކަމަށެވެ.

މަބްރޫކް އިތުރަށް ވިދާޅުވީ، މިހާރު މި ކުރެވޭ މަސައްކަތުގެ ސަބަބުން މިހާރުވެސް އިގްތިސާދަށް ހެޔޮ އަސަރު ފެންނަމުންދާކަމަށެވެ. އެގޮތުން ޓުއުރިސްޓުން އަންނަ އަދަދު މި މަހުގެ މިހާތަނަށް އައިއިރު، ޖުލައި މަހު ފަތުރުވެރިން އައި އަދަދަށް ރާއްޖެ އައިސްފައިވާކަމަށް މަބްރޫކް ފާހަގަކުރެއްވިއެވެ. އަދި 2019 ވަނަ އަހަރު ފަތުރުވެރިން ރާއްޖެއައި އަދަދާއި ގާތް ކުރަމުން އަންނަކަމަށް މަބްރޫކް ވިދާޅުވިއެވެ.

އެޗްޕީއޭގެ އެންމެ ތަފާސް ހިސާބުތަކަށް ބަލާއިރު، ރެއާއި ހަމަޔަށް ރާއްޖޭގައި 299،077 މީހުން ވަނީ ވެކްސިން ފުރިހަމަކޮށްފައެވެ.