ކޮވިޑް-19 ޖެހިގެން އިތުރު ދިވެއްސަކު ނިޔާވެއްޖެއެވެ.
ހެލްތް ޕްރޮޓެކްޝަން އޭޖެންސީ(އެޗްޕީއޭ) އިން ވިދާޅުވީ، ކޮވިޑް ބަލީގައި މިއަދު ނިޔާވެފައިވަނީ ގދ. ކޮވިޑް މެނޭޖްމެންޓް ފެސިލިޓީގައި އެޑްމިޓްކޮށްފައި އޮތް 90 އަހަރުގެ ދިވެހި ފިރިހެނެއްކަމަށެވެ.
އެމީހާ ނިޔާވީ މިއަދު ހަވީރު 06:30 ގައި ކަމަށް އެޗްޕީއޭ އިން މައުލޫމާތު ދިނެވެ. ނިޔާވެފައި ވަނީ ގދ. ތިނަދޫ މީހެކެވެ.
މިއީ ރާއްޖެއިން ކޮވިޑް ބަލީގައި ނިޔާވި 226 ވަނަ މީހާއެވެ.
ރާއްޖެއިން ކޮވިޑް-19 އަށް ކޮންމެ ދުވަހަކު ޕޮޒިޓިވްވާ މީހުންގެ ޖުމްލަ އަދަދު ދަށުގައި އުޅުނުނަމަވެސް، ރާއްޖޭގެ އަތޮޅުތަކުން ބަލި ފެނި މޮނީޓަރިންއަށް ލައިފައިވާ ރަށްތަކުގެ އަދަދު އަންނަނީ އިތުރުވަމުންނެވެ.
އެގޮތުން މިއަދު އެކަނިވެސް 9 ރަށެއް އެޗްޕީއޭ އިން ވަނީ މޮނިޓަރިންއަށް ލައިފައެވެ.
