ވޭތުވެދިޔަ 24 ގަޑިއިރުގެ ތެރޭގައި ރާއްޖެއިން ޓެސްޓްކުރި 5742 މީހުންގެ ތެރެއިން، އިތުރު 169 މީހުން ކޮވިޑް-19 އަށް ޕޮޒިޓިވްވެއްޖެއެވެ.
މިއީ ވޭދުވެދިޔަ ދުވަސްތަކާއި އަޅާބަލާއިރު، މިފަހުން އެންމެ ގިނައިން މީހުން ޕޮޒިޓިވްވި ދުވަހެއެވެ. ޕޮޒިޓިވްވި 169 މީހުންގެ ތެރެއިން، އަތޮޅު ތެރެއިން ޕޮޒިޓިވްވެފައި ވަނީ 119 މީހުންނެވެ.
މިއަދުގެ ކޭސްތަކާއެކު ރާއްޖެއިން މިހާތަނަށް ޕޮޒިޓިވްވި މީހުންގެ ޖުމުލަ އަދަދު ވަނީ 80،960 އަށް އަރައިފައެވެ.
މިއަދު ކޮވިޑުން ރަނގަޅުވީ 118 މީހުންނެވެ. މިހާރު ކޮވިޑް ޖެހިފައި 1709 މީހުން އެބަތިއްބެވެ. އޭގެތެރެއިން 17 މީހުންނަށް ހޮސްޕިޓަލްގައި އަންނަނީ ފަރުވާ ދެމުންނެވެ.
މުޅި ރާއްޖެއިން ފާއިތުވި ދުވަސްތަކުގައި ކޮވިޑްގެ ހާލަތު އާއްމުގޮތެއްގައި ރަނގަޅު ވަމުން އައިނަމަވެސް، ދެކުނު އޭޝިއާގެ ގައުމުތަކުން ރާއްޖެ އަށް ކަރަންޓީންވާން ގިނަ ބަޔަކު އައިސް ގިނަ ރަށްތަކެއްގެ ގެސްޓްހައުސްތަކަށް އައުމާއެކު ޕޮޒިޓިވްވާ އަދަދު އަންނަނީ މަޑުމަޑުން އިތުރުވަމުންނެވެ.
ނަމަވެސް އެންމެ ގިނަ ބަޔަކު މިހާރު ޕޮޒިވްވަނީ އަތޮޅުތެރެއިންނެވެ. އެގޮތުން 25 ރަށެއް މިހާރުވެސް މޮނިޓަރިންގައި އެބައޮތެވެ.
✳️ COVID-19 : Case Updates pic.twitter.com/OIPdeywBRG
— Health Protection Agency (@HPA_MV) August 30, 2021
