ކޮވިޑް-19ގެ ޕޮޒިޓިވް ކޭސްތައް ރަށުތެރެއިން ފެނި، މިވަގުތު 22 ރަށެއް މޮނިޓަރިންއަށް ގެނެސް އަރާ ފޭބުން މަނާކޮށްފައިވާ ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ވިދާޅުވެއްޖެއެވެ.
އެޗްޕީއޭގެ ބަންދުގައި މިވަގުތު 22 ރަށެއް އޮތްއިރު، އޭގެތެރޭގައި ގިނައީ މިދިޔަ މަހާއި މި މަހުގެ ތެރޭގައި މޮނިޓަރިންއަށް ލައިފައިވާ ރަށްތަކެވެ.
އެގޮތުން މި މަހު މޮނިޓަރިންއަށް ލީ ރަށްތަކުގެ ތެރެއިން، މިވަގުތު މޮނިޓަރިންގައި އޮތް ރަށްތަކަކީ، ސ. ހުޅުމީދޫ، ރ. ރަސްމާދޫ، ގދ.ފަރެސްމާތޮޑާ، ވ.ފުލިދޫ، ރ.ކިނޮޅަސް، ބ.މާޅޮސް، ކ.ގުޅި، ގއ.ގެމަނަފުށި، ގއ.މާމެންދޫ، ތ.ވޭމަންޑޫ، އަދި ތ. ދިޔަމިނގިލިއެވެ.
އަދި މިދިޔަ އޮގަސްޓް މަހު މޮނިޓަރިންއަށް ލީ ރަށްތަކުގެ ތެރެިން، މިވަގުތު މޮނިޓަރިންގައި އޮތީ 10 ރަށެކެވެ. އެއީ ކ.ގާފަރު، ޏ. ފުވައްމުލައް، ލ.މުންޑޫ، ށ.މިލަންދޫ، ވ.ތިނަދޫ، ހދ.ނޮޅިވަރަމް، ސ.ހިތަދޫ، ސ.މަރަދޫ، ސ. މަރަދޫފޭދޫ، އަދި ސ.ފޭދޫއެވެ.
މީގެ އިތުރުން މިދޔަ މެއި މަހުގެ 25 ވަނަ ދުވަހުން ފެށިގެން މޮނިޓަރިންއަށް ލައިފައި އޮތް ރ. ދުވާފަރުގެ ހާލަތު ރަނގަޅުނުވެ، އަދިވެސް އޮތީ މޮނިޓަރިންގައެވެ.
