ރާއްޖޭގައި ކޮވިޑް-19 ޖެހިގެން އިތުރު މީހަކު ނިޔާވެއްޖެއެވެ.
އިއްޔެ މި ބަލީގައި ނިޔާވެފައިވަނީ ކޮވިޑް-19 ޖެހިގެން ގދ ކޮވިޑް މެނޭޖެމެންޓް ފެސިލިޓީގައި އެޑެމިޓް ކޮށްފައި އޮތް ދިވެއްސެކެވެ.
ހެލްތް ޕްރޮޓެކްޝަން އޭޖެންސީ(އެޗްޕީއޭ) އިން ވިދާޅުވީ، ގދ ކޮވިޑް މެނޭޖެމެންޓް ފެސިލިޓީގައި އެޑެމިޓް ކޮށްފައި އޮތް 89 އަހަރުގެ ދިވެހި ފިރިހެނަކު އިއްޔެ ހަވީރު 4:52 ގައި ނިޔާވެފައިވާ ކަމަށެވެ.
މިއީ ތިނަދޫން ކޮވިޑްގައި ނިޔާވި ހަތަރުވަނަ މީހާއެވެ. އަދި މުޅި ރާއްޖެއިން މި ބަލީގައި ނިޔާވި 228 ވަނަ މީހާއެވެ.
ރާއްޖެ އިން ކޮވިޑް ޖެހުނު މީހުންގެ ޖުމްލަ އަދަދަކީ 83،248 އެވެ. އޭގެތެރެއިން 81،234 މީހުން ވަނީ ކޮވިޑުން ރަނގަޅު ވެފައެވެ. އިއްޔެ ހަވީރު 4:00 އާއި ހަމައަށް އަލަށް ރާއްޖެއިން ޕޮޒިޓިވްވީ 86 މީހުންނެވެ.
