ރާއްޖެއިން ކޮވިޑް-19 އަށް ކޮންމެ ދުވަހަކު ޕޮޒިޓިވްވާ މީހުންގެ އަދަދު އަނެއްކާވެސް ދަށްވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން އާންމު ކުރި ތަފާސް ހިސާބުގައިވާ ގޮތުން ފާއިތުވި 24 ގަޑިއިރު ތެރޭގައި ޓެސްޓް ކުރި ށް 4،698 ސާމްޕަލްގެ ތެރެއިން މުޅި ރާއްޖެއިން ޕޮޒިޓިވްވެފައި ވަނީ 82 މީހުންނެވެ. އިއްޔެ ރާއްޖެއިން 100 އަށްވުރެ ގިނަ ޕޮޒިޓިވް ކޭސް ފެނިފައިވެއެވެ.
މިއަދު މާލެ އިން ޕޮޒިޓިވްވެފައި ވަނީ 29 މީހުންނެވެ. އަދި އަތޮޅުތެރޭގެ މީހުން ދިރިއުޅޭ ރަށްތަކުން މިއަދު ޕޮޒިޓިވްވީ 47 މީހުންނެވެ. މީގެ އިތުރުން ރިސޯޓްތަކުން އިތުރު 6 މީހުން މިއަދު ޕޮޒިޓިވްވިއެވެ،
މިއަދުގެ ކޭސްތަކާއެކު ރާއްޖެއިން މިހާތަނަށް ރާއްޖެއިން ޕޮޒިޓިވްވި މީހުންގެ ޖުމުލަ އަދަދު ވަނީ 83،576 އަށް އަރާފައެވެ. އޭގެ ތެރެއިން މިވަގުތު ބަލި ޖެހިފައި ތިބީ 1,663 މީހަކަށެވެ. އަދި ހޮސްޕިޓަލުގައި ފަރުވާ ދެމުން ދަނީ 21 މީހަކަށެވެ.
މިއަދާ ހަމައަށް ބަލިން ރަނގަޅުވި މީހުންގެ ޖުމުލަ އަދަދަކީ 81،671 އެވެ. މި ބަލީގައި ރާއްޖެއިން މަރުވި މީހުންގެ އަދަދު ހުރީ 229 ގައެވެ.
