ކޮވިޑް-19 ޖެހިގެން އިތުރު ދިވެއްސަކު ނިޔާވެއްޖެއެވެ.
ކޮވިޑް ޖެހިގެން މިއަދު ނިޔާވީ ހުޅުމާލެ މެޑިކަލް ފެސިލިޓީގައި ފަރުވާދެމުންދިޔަ 46 އަހަރުގެ ދިވެހި އަންހެނެކެވެ.
އެއާއެކު މިހާތަނަށް ރާއްޖެއިން މި ބަލި ޖެހިގެން މަރުވި މީހުންގެ އަދަދު މިވަނީ 230 އަށް އަރާފައެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ތަފާސް ހިސާބުތަކަށް ބަލާއިރު އިއްޔެ ވަނީ އިތުރު 86 މީހުން ކޮވިޑަށް ޕޮޒިޓިވްވެފައެވެ. އެއީ މާލެ ސަރަހައްދުން ޕޮޒިޓިވްވި 29 މީހަކާއި އަތޮޅުތަކުން ބަލި ޖެހުނު 53 މީހަކާއި ރިޒޯޓުތަކުން ޕޮޒިޓިވްވި ހަތަރު މީހަކެވެ.
އެއާއެކު މިހާތަނަށް ރާއްޖެއިން ޕޮޒިޓިވްވި މީހުންގެ ޖުމުލަ އަދަދު ވަނީ 84،103 އަށް އަރާފައެވެ.
