މާލޭގެ ބައެއް ސަރަހައްދުތަކުން މިއަދު ހެނދުނު 10:00ފެށިގެން 11:30އަށް ކަރަންޓް ކެނޑުން އެކަށީގެންވާ ކަމަށް ސްޓެލްކޯއިން ބުނެފިއެވެ.
ސްޓެލްކޯއިން މިއަދު ކުރި ޓްވީޓެއްގައި ބުނީ، އެ ކުންފުނިން ކޮންމެހެން ކުރަންޖެހޭ މަސައްކަތްތަކެއް ކުރުމަށްޓަކައި ލޮނުޒިޔާރަތް މަގާއި ރާދަފަތި ހިނގުން ހިމެނޭ ސަރަހައްދުން މިއަދު ހެނދުނު 10:00 އިން 11:30 އާއި ދެމެދު ކަރަންޓް ކަނޑާލެވޭނެކަމަށެވެ. އަދި ރަށްދެބައި މަގާއި ނީލޯފަރު މަގުގެ އިތުރުން ލިލީ މަގު ހިމެނޭ ސަރަހައްދުން 10:00 އިން 11:00އަށް ކަރަންޓު ކެނޑުމަކީ އެކަށީގެންވާ ކަމެއްކަމަށެވެ.
މި ސަރަޙައްދުތަކުން ކަރަންޓު ކަނޑާލުމަށް ނިންމާފައިވަނީ އެ ސަރަޙައްދުގައި ހިމެނޭ ކޭބަލްއާއި ޑިސްޓުރިބިއުޝަން ބަދަލުކުުރމުގެ މަސައްކަތް ކުރުމަށެވެ.
ސްޓެލްކޯއިން ބުނީ، މަސައްކަތް ނިމުނުހާ އަވަހަށް އެ ސަރަހައްދުގެ ގެތަކަށް ކަރަންޓު ފޯރުކޮށްދޭނެ ކަމަށެވެ.
