2018 ވަނަ އަހަރުގެ ރިޔާސީ އިންތިހާބުގައި ކަންތައްތައް ވީގޮތަށް އިޝާރާތްކޮށް، ކުރީގެ އިލެކްޝަން ކޮމިޝަނުގެ ރައީސަކީ ޚާއިނެއްކަމަށް ކުރީގެ ރައީސް އަބްދުﷲ ޔާމީން ވިދާޅުމުން، އެވާހަކަތަކަށް އޭނާ ރައްދުދެއްވައިފި އެވެ.
"ކޮތަރު ކޮށި" ނަމުގައި އިދިކޮޅުން ރޭ ބޭއްވި ޖަލްސާގައި ވާހަކަދައްކަވަމުން ރައީސް ޔާމީން ވިދާޅުވީ، ވެރިކަން ބަދަލުވެގެން ދިޔަ ގޮތާއި އިންތިހާބު ބަދަލުވެގެން ދިޔަގޮތް ނޭނގޭނެ އެއްވެސް މުއައްސަސާއެއްގެ އިސް މީހަކު ނުހުންނާނެ ކަމަށެވެ. އަދި ހާއްސަކޮށް އަސްކަރިއްޔާގައި އިސްކޮށް ތިއްބެވި ބޭފުޅުންގެ ދައުރު އެކަމުގައިި ބޮޑުކަމަށް ފާހަގަކުރަމުން ޔާމީން ވިދާޅުވީ، ޕީޕީއެމްގެ ވެރިކަމެއްގައި އެކަމުގެ ހަޤީގަތް ސާފުކޮށްދެއްވާނެ ކަމަށެވެ.
އެގޮތުން 2018 ވަނަ އަހަރުގެ ރިޔާސީ އިންތިޚާބުން އެމަނިކުފާނު ބަލިނުކުރެވޭނެކަން ޔަގީންވި ހިސާބުން ޗަރުކޭސް ކުޅެން ފެށި ކަމަށް އެމަނިކުފާނު ވިދާޅުވިއެވެ.
“އަޅުގަނޑުމެން އީސީ ޝަރީފުގެ ނަން ގެންނަނީ ޒިކުރު ކުރާ ގޮތަށް. އެކަމަކު މިއީ މި ދެންނެވި މީހުންގެ ތެރޭގައި ހަމަ ހާއިނުންގެ ތެރެއިން އަރާހުރި ހާއިނެއް. އެނގޭނެ ކަންތައް ހިނގާދިޔަ ގޮތް.” ޔާމީން ވިދާޅުވިއެވެ.
މި ވާހަކަތަކަށް ޝަރީފު ރައްދު ދެއްވީ ކުރު ސުވާލަކުންނެވެ. އެ ގޮތުން ޝަރީފް އައްސަވާފައި ވަނީ ރައީސް ޔާމީނަށް ހަމަ އޭނާއާ ނުބެހި ނުހުރެވެނީތޯ އެވެ.
Rayyithu emmen kurimathee vote lai, vote guna saafu vote akun baliveema bali gaboolunukoh podium ah araa hure maa cool kameh kamah hee koh thandhoru nudhanna jaahileh hen hithah erihaa ehcheh kiyumakee Raees kan kurahvaa faivaa beyfulhaku kuran maa reethi kameh noon
— Ahmed Shareef (@ShareefRangondi) December 11, 2021
2018 ވަނަ އަހަރުގެ ރިޔާސީ އިންތިހާބުގައި ރައީސް ޔާމީން ހޮވިވަޑައިނުގަތުމުން، އިދިކޮޅު ފަރާތްތަކުން ވަނީ އިންތިހާބުގެ ނަތީޖާ ގަބޫލުނުކުރެވޭ ކަމަށް ބުނެ، އީސީ ޝަރީފަށް ބޮޑެތި ތުހުމަތުތަކެއް ކޮށްފައެވެ. އެގޮތުން އިދިކޮޅުން ވަނީ އިންތިހާބުގެ މިނިވަންކަމާމެދު ސުވާލު އުފައްދައިފައެވެ.
އަހުމަދު ޝަރީފް އީސީގެ މެމްބަރުކަމަށް އައްޔަންކޮށްފައިވަނީ 2018 ވަނަ އަހަރު، ރައީސް ޔާމީންގެ ވެރިކަމުގަ އެވެ. އަދި ހަމަ އެ ދުވަހު ޝަރީފް ވަނީ އެ ކޮމިޝަނުގެ ރައީސްކަމާ ހަވާލުވެވަޑައިގެންފައެވެ. ޝަރީފް އެމަގާމުން އިސްތިއުފާދެއްވީ މި އަހަރުގެ ޖޫން މަހުގެ 12 ވަނަ ދުވަހުއެވެ.
