ކޭބަލަށް ގެއްލުންވެ،ކަރަންޓު ކެނޑުނު ހިޔާގެ ހުރިހާ ފްލެޓަކަށް އަލުން ކަރަންޓު ދީފި އެވެ.
ހުޅުމާލޭގެ ހިޔާފްލެޓްތަކަށް ކަރަންޓު ދިނުމަށް އަޅާފައިވާ ކޭބަލަކަށް ގެއްލުންވެ، ހިޔާ ފްލެޓްތަކުން ކަރަންޓު ކެނޑިފައި ވަނީ މިއަދުގެ މެންދުރު ކުރީގެ ވަގުތެއްގައެވެ. ސްޓެލްކޯއިން ދެންމެ ބުނީ، ރަންޓު ކެނޑުނު ހިޔާގެ ހުރިހާ ފްލެޓަކަށް މިހާރު ވަނީ އަލުން ކަރަންޓު ދެވިފައި ކަމަށެވެ.
ސްޓެލްކޯ އިން ބުނީ، އެޗްޑީސީން މަގު ހެދުމަށް ހަވާލުކޮށްފައިވާ ފަރާތުން ކޮނުމުގެ ތެރޭގައި ގެއްލުން ވެފައިވަނީ ހިޔާފްލެޓްތަކަށް ކަރަންޓު ދިނުމަށް އެޗްޑީސީން އަޅާފައިވާ ކޭބަލަކަށް ކަމަށެވެ.
އަޕްޑޭޓް: އެޗްޑީސީން މަގު ހެދުމަށް ހަވާލުކޮށްފައިވާ ފަރާތުން ކޮނުމުގެ ތެރޭގައި ގެއްލުން ވެފައިވަނީ ހިޔާފްލެޓްތަކަށް ކަރަންޓު ދިނުމަށް އެޗްޑީސީން އަޅާފައިވާ ކޭބަލަކަށް. މި ކޭބަލް މަރާމާތު ކުރުމަށް ގާތްގަނޑަކަށް 3 ނުވަތަ 4 ގަޑި އިރު ހޭދަވާނެ ކަމަށް ބެލެވޭ. pic.twitter.com/rEoQtBZ0zx
— STELCO (@STELCOMALDIVES) January 17, 2022
ސްޓެލްކޯއިން މި ކޭބަލް މަރާމާތު ކުރުމަށް ގާތްގަނޑަކަށް 4 ވަރަކަށް ގަޑިއިރު ވަނީ މަސައްކަތް ކޮށްފައެވެ.
ހިޔާ ފްލެޓްތަކުން ކަރަންޓް ކެނޑިފައިވާއިރު، ކަރަންޓް ކެނޑުމުން ލިފްޓްތައް މަސައްކަތް ނުކުރާތީވެ އެތާގައި ދިރިއުޅޭ މީހުންނަށް އެވަގުތު ވަނީ ދަތިތަކާއި ކުރިމަތިވެފަ އެވެ. އަދި ފެން ކެނޑިފައިވާތީވެ އެކަމާވެސް ގިނަ ބަޔަކު ވަނީ ޝަކުވާ ކޮށްފައެވެ.
