މާލޭގެ ޕޭ ޓޮއިލެޓެއްގެ ތެރޭގައި ހޭނެތިފައި އޮތް މީހަކު މަރުވެއްޖެ އެވެ.
ފުލުހުން ވިދާޅުވީ އާއްމު ފާހާނާ ބަރީގެ ތެރޭގައި ވެއްޓިފައި އޮތް 54 އަހަރުގެ ފިރިހެނަކު މިއަދު ހެނދުނު 10:35 ހާއިރު އޭޑީކޭ ހޮސްޕިޓަލަށް ގެންގޮސްފައިވާ ކަމަށެވެ.
މި މީހާ ނިޔާވެފައިވާކަމުގެ މަޢުލޫމާތު ހޮސްޕިޓަލުން ފުލުހުންނަށް ދީފައިވާކަމަށް ފުލުހުން ވިދާޅުވިއެވެ.
ނިޔާވެފައިވާ މީހާގެ ބޭރުފުށުން އެއްވެސް އަނިޔާއެއް ފެންނަން ނެތްކަމަށާއި، ނަމަވެސް އެ މައްސަލަ ފުލުހުން އިތުރަށް ތަޙްޤީޤު ކުރަމުންދާކަމަށް ފުލުހުން ވިދާޅުވިއެވެ.
