ސްޓޮކް މަދުވުމުގެ ސަބަބުން، ދެ ރުފިޔާގެ އާ ސްޓޮކެއް ގެނެސްފި ކަމަށް މޯލްޑިވްސް މަނިޓަރީ އޮތޯރިޓީން ވިދާޅުވެއްޖެއެވެ.
މޯލްޑިވްސް މަނިޓަރީ އޮތޯރިޓީން ނެރުނު ނޫސްބަޔާނެއްގައި ބުނެފައިވަނީ ދެ ރުފިޔާގެ ފައިސާފޮތި އަލުން ޖަހައިގެން ގެނައުމަށް ފަހު ދައުލަތުގެ ހަޒާނާގައި މިހާރު ރައްކާ ކޮށްފައިވާ ކަމަށެވެ.
ރަން ދިހަ ފަހެއްގެ ނޫޓޫތަކާ އެކު ދެ ރުފިޔާގެ ފައިސާ ފޮތިތަކަށް ވެސް ވަނީ ބަދަލުތައް ގެނެސްފަ އެވެ. އެގޮތުން އެ ބަދަލު ގެނައިފަހުން 2017 ވަނަ އަހަރު ދެ ފަހަރެއްގެ މަތިން ސްޓޮކް ހުސްވެގެން އަލުން ފައިސާ ޖަހައިގެން ވަނީ ގެނެސްފަ އެވެ.
ފައިސާގެ ސްޓޮކް ހުސްވާން ކައިރިވުމުން އެމްއެމްއޭއިން ސްޓޮކް ގިނަ ކުރުމަށް ދޭތެރެ ދޭތެރެއިން އެކި އަދަދުތަކުން ފައިސާ ޖަހައިގެން ގެނެ އެވެ. މިގޮތަށް ފައިސާ ޖަހައިގެން އެންމެ ފަހުން ގެނެސްފައި ވަނީ މިދިޔަ އަހަރުގެ އޮގަސްޓް މަސް ތެރޭގަ އެވެ. އެއީ 50 ލާރީގެ ފައިސާ ފޮތީގެ ސްޓޮކެކެވެ.
