މިދިޔަ ހުކުރު ދުވަހު މެލޭޝިޔާގައި ކުއްލި ގޮތަކަށް މަރުވި ދަރިވަރު، މއ. ދޮންވެލި އިބްރާހިމް އަނަސްގެ ހަށިގަނޑު މާލެ ގެނެސްފި އެވެ.
އުމުރުން 23 އަހަރުގެ އަނަސް މަރުވުމާ ގުޅޭ ގޮތުން އާއިލާއިން ބުނީ އޭނާ މަރުވީ ފިޓް ޖެހިގެން ކަމަށާއި، އަދި އަނަސްގެ މަރަކީ ގުދުރަތީ މަރެއް ކަމަށް މެލޭޝިޔާގައި އޭނާގެ ޕޯސްޓްމޯޓަމް ހެދި ޑޮކްޓަރުން ނިންމައިފައިވާ ކަމަށެވެ.
އަނަސްގެ ހަށިގަނޑު މިހާރު މާލެ ގެނެސްފައި ވާއިރު، އޭނަގެ މައްޗަށް ކުރެވޭ ކަށުނަމާދު އޮންނާނީ މިރޭ އިޝާ ނަމާދަށް ފަހު އާސަހަރާ މިސްކިތުގަ އެވެ. މިއަދު ހަވީރު އިން ފެށިގެން އަނަސްގެ ޖަނާޒާގެ ކަންކަން އާސަހަރާގައި ކުރިއަށް ދެއެވެ.
