ނިޔާވެފައި އޮތް ޒުވާނަކު މާލެ ގެއެއްގެ ތެރެއިން ފެނިއްޖެއެވެ.
އޭނާ ނިޔާވެފައި އޮއްވާ ފެނުނީ ރޭ މެންދަމުގެ ވަގުތެއްގައެވެ. ނިޔާވެފައި އޮއްވާ ފެނިގެން ރޭ މެންދަމު 01:00 ހާއިރު އޭނާގެ ހަށިގަނޑު ވަނީ ހޮސްޕިޓަލަށް ގެންގޮސްފައެވެ.
ފުލުހުން ވިދާޅުވި ގޮތުގައި އެ ޒުވާނާ ނިޔާވި ޚަބަރު ފުލުހުންނަށް ރިޕޯޓް ކޮށްފައިވަނީ ރޭ މެންދަމު 01:12 ގައި ކަމަށެވެ. އަދި މި ޒުވާނާ މަރުވާން ދިމާވި ސަބަބެއް އަދި ހޯދިފަގައި ނުވާކަމަށާއި، މި މަރުގެ ތަޙުގީގު ކުރިޔަށްދާ ކަމަށް ފުލުހުން ވަނީ ވިދާޅުވެފައެވެ.
ނިޔާވެފައި އޮއްވާ ފެނުނު ޒުވާނާއަކީ ރ.އަތޮޅު އިނގުރައިދޫ އަށް ނިސްބަތްވާ އުމުރުން 23 އަހަރުގެ ޒުވާން ފިރިހެނެކެވެ.
އެ ޒުވާނާގެ މައްޗަށް ކުރެވޭ ކަށު ނަމާދު ކުރުން މިއަދު މެންދުރު ނަމާދަށް ފަހު އާ ސަހަރާ މިސްކިތުގައި ބޭއްވުމަށް ވަނީ ހަމަޖެހިފައެވެ.
