މާލޭގައި ދަންޖެހިގެން ކުޑަކުއްޖަކު މަރުވެއްޖެއެވެ.
އެނގިފައިވާ ގޮތުގައި ރޭ 9:30 ހާއިރު އެކުއްޖާގެ ކޮޓަރީގެ ކުޑަދޮރުގައި ދަންޖެހި މަރުވެފައި ހުއްޓާ ފެނިފައިވަނީ އުމުރުން 18 އަހަރު ނުވާ ފިރިހެން ކުއްޖެކެވެ.
އެ ކުއްޖާ ދަންޖެހިފައި ހުއްޓާ ފެނިފައިވަނީ ހަބަރެއް ނުވެގެން ކޮޓަރިއަށް ވަދެ ބެލިއިރުއެވެ. މައުލޫމާތު ލިބިފައިވާގޮތުގައި، އެކުއްޖާ ދަންޖެހިފައި ހުއްޓާ ފެނުނު އިރުވެސް ވަނީ މަރުވެފައެވެ.
އެނގިފައިވާ ގޮތުން އެކުއްޖާއަކީ މިހާރުވެސް ތައުލީމް ހާސިލް ކުރަމުންދާ، ކިޔެވުމަށް މޮޅު، އަހުލާގުވެސް ރަނގަޅު ދަރިވަރެކެވެ. އެކުއްޖާގެ ކުއްލި މަރާ ގުޅިގެން އަދި އިތުރު މައުލޫމާތު ލިބިފައެއް ނުވެއެވެ. އަދި ހާދިސާއާ ގުޅިގެން ފުލުހުންގެ ބަހެއްވެސް މިހާތަނަށް ލިބިފައެއް ނުވެއެވެ.
