ހަލަވެލި ރިޒޯޓަށް މޫދަށް އެރުނު ފަތުރުވެރިއަކު މަރުވެއްޖެއެވެ.
ފުލުހުން ވިދާޅުވީ، ހަލަވެލި ރިޒޯޓުގައި މޫދަށް އެރިއުޅުނުއިރު، ކޮރެއާ ފިރެހެން ފަތުރުވެރިއަކު ގެނބިގެން އއ.އަތޮޅު ހޮސްޕިޓަލަށް ގެންގޮސްފައިވާކަމުގެ ރިޕޯޓް މިއަދު 15:00 ހާއިރު ލިބިފައިވާކަމަށެވެ.
އަދި އުމުރުން 34 އަހަރުގެ މިފިރެހެން މީހާ ހޮސްޕިޓަލަށް ގެންދިޔައިރުވެސްވަނީ މަރުވެފައިކަމަށް ހޮސްޕިޓަލާއި ޙަވާލާދީ ފުލުހުންވަނީ ވިދާޅުވެފައެވެ.
ފުލުހުން ދަނީ މިމައްސަލަ އިތުރަށް ތަޙުޤީޤު ކުރަމުންނެވެ.
ރާއްޖެއަންނަ ބައެއް ފަތުރުވެރިން ގެނބިގެން މަރުވުމުގެ ހިތާމަވެރި ހާދިސާތައް ދޭތެރެ ދޭތެރެއިން ހިނގައެވެ. މިކަން ހައްލުކުރުމަށްޓަކައި ޓުއަރިޒަމް މިނިސްޓުރީން ދަނީ ހޭލުންތެރި ކުރުމުގެ ތަފާތު މަސައްކަތްތަކެއްވެސް ކުރަމުންނެވެ.
