ދުޅަހެޔޮ ސިއްޙަތެއްގައި ތިބުމަށް ބާރުއަޅުމާއި ފަރުދީގޮތުން ތިމާވެއްޓަށްޓަކައި ކަމެއްގެ ކުރުމުގެ ގޮތުން އެސްޓީއޯ މުވައްޒަފުން ހިނގާފައި މިއަދު އޮފީހަށް ނުކުމެއްޖެއެވެ.
މިއީ އެސްޓީއޯ އިން "ވޯކް ޓު ވަރކްގެ" ނަމުގައި ކުރިޔަށް ގެންގޮސްފައިވާ ޕްރޮގްރާމެކެވެ.
މީގެ އިތުރުންވެސް ޕްލާސްޓިކް ކޮތަޅު މަދު ކުރުމުގެ ގޮތުން އެސްޓީއޯއިން ވަނީ ސެޕްޓެންބަރު 20 ވަނަ ދުވަހުން ފެށިގެން އެ ފިހާރައިން ވިޔަފާރިކުރާ ފަރާތްތަކުގެ ތެރެއިން ތިމާވެއްޓާ ރައްޓެހި ކޮތަޅު ގެންނަ ފަރާތްތަކުގެ ބިލުން ދެ ޕަސެންޓްގެ ޑިސްކައުންޓެއް ދިނުމަށް އެ ކުންފުނިން ވަނީ ނިންމާފައެވެ.
އެސްޓީއޯ ފާހަގަ ކުރެވެނީ މިފަދަ ކަންކަމުގައި މުޅީ މުޖުތަމައަށް ނަމޫނާ ދައްކާ ކުންފުންޏެއްގެ ގޮތުގައެވެ. އެސްޓީއޯ ފަށާފައިވާ ހަރަކާތުގެ ސަބަބުން އާންމުކޮށް ބޭނުން ކުރެވޭ ޕްލާސްޓިކް ބޭނުން ކުރުންމަދުވެ ރައްޔިތުން މިކަމުގައި ހޭލުން ތެރިވުމަށް މަގުފަހިވެގެން ދާނެއެވެ.
