އާޓިފިޝަލް ބީޗުގައި ނިޔާވެފައި އޮތް މީހަކު ފެނިއްޖެއެވެ.
މި މީހާ މިހާރު އޮތީ އޭޑީކޭ ހޮސްޕިޓަލުގައިއެވެ.
އެޑީކޭއިން ބުނީ މިއަދު ހެނދުނު ކާކުކަން ނޭނގޭ ގާތްގަނޑަކަށް 50 އަހަރާއި 60 އަހަރާ ދެމެދުގެ ފިރިހެނަކު އެ ހޮސްޕިޓަލައް ގެނެވިފައިވާ ކަމަށާއި، އޭނާ ލައިގެން ހުރީ ނޫކުލައިގެ ސޯޓެއް ކަމަށްވެސް އޭޑީކޭ އިން ބުންޏެވެ.
މި މީހާ ހޮސްޕިޓަލައް ގެނައިރުވެސް އޮތީ މަރުވެފައި ކަމަށް އެޑީކޭއިން ބުނެއެވެ.
އޭޑީކޭ އިން ވަނީ، އެ ހޮސްޕިޓަލަށް މިއަދު ހެނދުނު ގެންދިޔަ އެ މީހާއަކީ ކާކުތޯ ދެނެގަންނަން އާންމުންގެ އެހީއަށް އެދެފައެވެ.
ފުލުހުން ވިދާޅުވީ، އާޓިފިޝަލް ބީޗްގައި ހުރި ގޮނޑިއެއްގައި ދޮށީ އުމުރުގެ ފިރިހެނަކު ހާލުދެރަވެފައި އިންކަމުގެ މަޢުލޫމާތު ފުލުހުންނަށް ލިބިފައިވަނީ މިއަދު ހެނދުނު 06:26 ހާއިރު ކަމަށާއި، އެމީހާ އޭޑީކޭ ހޮސްޕިޓަލަށް ގެންގޮސްފައިވާ ކަމަށެވެ.
