މާލޭ ގެއެއްގެ ފަހާނާ ތެރޭގައި 49 އަހަރުގެ އަންހެނަކު ނިޔާވެފައި އޮއްވާ ފެނިއްޖެއެވެ.
ފުލުހުން ވިދާޅުވީ، އަންހެނަކު ހަރަކާތް ހުއްޓި ފާހަނަ ތެރެއަށް ވެއްޓިފައިވާކަމުގެ ރިޕޯޓް ފުލުހުންނަށް ލިބުމާއެކު ސިފައިންގެ އެހީތެރިކަމާއެކު އެމީހާ އެ ފަހާނައިން ނެރެފައިވާ ކަމަށާއި، އެމީހާ ހޮސްޕިޓަލަށް ގެންދިޔައިރުވެސް ނިޔާވެފައިވާ ކަމަށެވެ.
އަންހެނަކު ނިޔާވިކަން ފުލުހުން ކަށަވަރުކޮށްދިން ނަމަވެސް، ނިޔާވި މީހާގެ އިތުރު އެއްވެސް މަޢުލޫމާތެއް ފުލުހުން ހާމައެއް ނުކުރައްވައެެވެ.
ހެންވޭރު ގެއެއްގެ ފާހާނާ ތެރެއަށް ވެއްޓި ނިޔާވެފައި އޮއްވާ ފެނުނީ ބަލިވެ އުޅުނު މީހެއް ކަމަށް އާއިލާއިން މައުލޫމާތު ދީފައިވާއިރު، އެ މައްސަލައާ ގުޅިގެން ފުލުހުން ބަލަން ޖެހޭ ކަންކަން ބަލަމުންދާ ކަމަށް ފުލުހުން ވަނީ ވިދާޅުވެފައެވެ.
