ޑައިވެނަށް ދިޔަ ފަތުރުވެރިޔަކު މަރުވެއްޖެއެވެ.
ފުލުހުން ވިދާޅުވީ މަރުވެފައިވަނީ އއ. ސަފާރީ އައިލެންޑް ރިސޯޓްގައި ޗުއްޓީ ހޭދަކުރަމުންދިޔަ ޖަރުމަނު ފިރިހެން ފަތުރުވެރިއެއްކަމަށެވެ. އޭނާ 2019 ނޮވެންބަރު 20 ވަނަ ދުވަހު ޑައިވެނަށް ގޮސް މައްޗަށް އެރިފަހުން މަރުވެފައިވާ ކަމުގެ މަޢުލޫމާތު ލިބިފައިވާކަމަށް ފުލުހުން ވަނީ ވިދާޅުވެފައެވެ.
މިހާދިސާގައި އޭނާ އދ. މަހިބަދޫ ހޮސްޕިޓަލަށް ގެންދިޔައިރުވެސް މަރުވެފައިވާކަމަށް އެ ހޮސްޕިޓަލުން ވަނީ މަޢުލޫމާތު ދީފައެވެ.
މި މައްސަލަ ފުލުހުން ދަނީ އިތުރަށް ތަހުޤީޤު ކުރަމުންނެވެ.
ޑައިވެން ކުރުމާއި ގުޅިގެން ދިމާވާ ހާދިސާތައް މިފަހަކަށް އައިސް އަންނަނީ އިތުރުވަމުންނެވެ. އަދި މިފަދަ ހާދިސާތަކާއި ގުޅޭ ކުއްލި މައްސަލައެއްވެސް މިހަފްތާގައިވަނީ ރައްޔިތުންގެ މަޖިލީހަށް ޖާބިރު ހުށަހަޅުއްވައިފައެވެ.
