ރިސޯޓެއްގައި މީހަކު މަރުވެފައި އޮށްވާ ފެނިއްޖެއެވެ.
މަރުވެފައި އޮށްވާ ފެނިފައިވަނީ އައްޑޫ ސިޓީގެ އިސްމެހެލާ ހެރައިގައި ހިންގަމުން އަންނަ ސައުތް ޕާލް ރިސޯޓުގައި މަސައްކަތް ކުރަމުންދާ އުމުރުން 48 އަހަރުގެ ދިވެހި ފިރިހެނެކެވެ.
ފުލުހުން ވިދާލުވީ، އޭނާ ޑިއުޓީއަށް ނައިގެން ބެލި އިރު އޭނާގެ ކޮޓަރީގައި ހަރަކާތެއްނެތި އޮތުމުން، އޭނާ ގޮވައިގެން ހުޅުމީދޫ ހެލްތް ސެންޓަރަށް ގެންގޮސްފައިވާކަމަށެވެ. އަދި މި ކަމުގެ މަޢުލޫމާތު ފުލުހުންނަށް ލިބިފައިވަނީ މިއަދު 09:19 އެހާކަންހާއިރުކަމަށް ފުލުހުން ވަނީ ވިދާޅުވެފައެވެ.
ފުލުހުން ވިދާޅުވީ މި މީހާ ހުޅުމީދޫ ހެލްތް ސެންޓަރަށް ގެނައިރުވެސް ނިޔާވެފައިވާކަމަށް ޑޮކްޓަރުން މަޢުލޫމާތު ދީފައިވާކަމަށެވެ. އޭނާގެ ހަށިގަނޑުގެ ބޭރުފުށުން އެއްވެސް އަނިޔާއެއް ފެންނަން ނެއްކަމަށްވެސް ފުލުހުން ވަނީ ވިދާލުވެފައެވެ.
މި މައްސަލަ ފުލުހުން ދަނީ ތަޙްޤީޤު ކުރަމުންނެވެ.
(ތަފްޞީލް އަންނަނީ)
