ކ.ރިހިވެލި ރިސޯޓް ކައިރިއަށް ސްނޯކްލިންގ އަށް ގޮސް އުޅުނު މީހަކު މަރުވެއްޖެއެވެ.
ފުލުހުން ވިދާޅުވީ، ރިހިވެލި ރިސޯޓް ކައިރިއަށް ސްނޯކްލިންގ އަށް ގޮސްއުޅުނު އުމުރުން 48 އަހަރުގެ ޔޫކްރެއިންގެ ފިރިހެން ފަތުރުވެރިއަކު ގެނބިގެން ކ.ގުރައިދޫ ހެލްތު ސެންޓަރަށް ގެންގޮސްފައިވާކަމުގެ މަޢުލޫމާތު މިއަދު 11:39 ހާއިރު ލިބިފައިވާ ކަމަށެވެ.
"މި މީހާ ގުރައިދޫ ސިއްހީމަރުކަޒަށް ގެންދިޔައިރުވެސް މަރުވެފައިވާކަމަށް ޑޮކްޓަރުން މަޢުލޫމާތު ދީފައިވޭ." ފުލުހުން ވިދާޅުވިއެވެ.
ފުލުހުން ވިދާޅުވީ އެމީހާ މަރުވެފައިވަނީ ސްނޯކްލިންގ އަށް ގޮސް އުޅެނިކޮށް ފިޓް ޖެހިގެން ކަމަށް މަޢުލޫމާތު ލިބިފައިވާ ކަމަށެވެ.
މި ހާދިސާއާއި ގުޅިގެން ފުލުހުން ބަލަންޖެހޭ ކަންކަން ބަލަމުން ދާކަމަށްވެސް ފުލުހުން ވިދާޅުވިއެވެ.
