ދުނިޔޭގައި މިހާރު ފެތުރެމުންދާ ކޮރޯނާ ވައިރަސްއާއި ގުޅިގެން ދިމާވާ ޙާލަތަކުން ސަޕޯޓަރުން ނުވައްދާ މެޗުތައް ކުޅުމުގެ ވިސްނުމެއް ގެންގުޅޭކަމަށް ލަލީގާގެ ރައީސް ހަވިއޭ ޓެބާސް ބުނެފިއެވެ.
އެލްކްސިކޯގެ ކުރިން ބޭއްވި އިވެންޓެއްގައި ވާހަކަ ދައްކަބުން ޓެބާސް ބުނީ، ވައިރަސްއާއި ގުޅޭ ކަންތައްތައް ދިރާސާކުރުމަށް އިންޓާރނަލް ޓީމެއް މިހާރު ޙަރަކާތްތެރިވަމުން ދާނެކަމަށާއި، މެޗު ލަސްކުރަން ޖެހިއްޖެ ނަމަ ނުވަތަ ސަޕޯޓަރުން ނުވައްދާ މެޗުތައް ކުޅެން ޖެހިއްޖެނަމަ ކަންތައްކުރާނެ ޢުސޫލެއް މިހާރު ތައްޔާރުކުރެވިފައިވާކަމަށެވެ.
"އެލްކްލެސިކޯވެސް އަދި ލަލީގާގެ އެހެން މެޗެއްވެސް ސަސްޕެންޑްކުރަން އަދި ނުވިސްނަން" ޓެބާސް ބުންޏެވެ.
ޓެބާސް ބުނީ މެޗެއް ސަސްޕެންޑް ކުރާނީ، މެޗެއް ލަސްކޮށްގެން ނުވަތަ ސަޕޯޓަރުން ނުވައްދާ ނުކުޅެވޭ ޙާލަތަށް ގޮސްފިނަމަ އެމެޗެއް ސަސްޕެންޑުކުރުމާމެދު މަޝްވަރާކުރެވޭނެކަމަށެވެ.
ޓެބާސް މިހެން ބުނެފައިވާއިރު، ސްޕެއިނުންވެސް ކޮރޯނާ ވައިރަހުގެ ކޭސްއެއްވަނީ ފެނިފައެވެ. އަނެއްކޮޅުން ހުކުރު ދުވަހު ވެލެންސިއާ ނެރުނު ބަޔާނެއްގައި، ހެލްތު އޮތޯރިޓީގެ ލަފައެއް ނުލިބި އިތުރު އެއްވެސް ޙަރަކާތެއް ކުރިއަށް ނުގެންދަށް ނިންމާފައިވެއެވެ. ޗެމްޕިއަންސް ލީގު ގަދަ 16 ގައި އެޓަލަންޓާއާއި ދެކޮޅަށް ވެލެންސިއާ ކުޅޭ މެޗު ސަޕޯޓަރުން ނުވައްދާ ކުޅުމަށް ވިސްނަމުންދާކަމަށްވެސް ރިޕޯރޓްތައް ބުނެއެވެ.
މިމެޗުގެ ފުރަތަމަ ލެގު އިޓަލީގައި ކުޅެފައިވާއިރު، އެމެޗު ބެލުމަށްފަހު ސްޕެއިންއަށް އައި ވެލެންސިއާގެ ހަތަރު ސަޕޯޓަރަކަށާއި، ނޫސްވެރިއަކަށްވަނީ މީހުންގެ ތެރެއަށް ނުކުތުން މަނާކޮށްފައެވެ.
މީގެއިތުރުން އިޓަލީއިންވެސް ކޮރޯނާވައިރަސްގެ މިފަދަ ކޭސްތަކެއް ފެނިފައިވާއިރު އިޓާލިއަން ސީރީއާގެ ހަތަރު މެޗެއް މިދިޔަ ހަފްތާގައިވަނީ ލަސްކޮށްފައެވެ.
