ވިލިމާލޭގައި ހުންނަ ކުންފުންޏެއްގެ އޮފީހެއްގެ ސެކިއުރިޓީ ގާޑެއް ނިޔާވެފައި އޮއްވާ ފެނިއްޖެއެވެ.
ފުލުހުން ވިދާޅުވީ، ކުންފުންޏެއްގެ ވިލިމާލެ އޮފީހެއްގެ ސެކިއުރިޓީ އޮފިސަރެއް ޖޯއްޔެއްގައި އޮއްވާ ނިޔާވެފައިވާ މައްސަލައެއް މިއަދު ހެނދުނު 06:13 ހާއިރު ފުލުހުންނަށް ހުށަހެޅިފައިވާ ކަމަށެވެ.
ޖޯއްޔެއްގައި ނިޔާވެފައި އޮއްވާ ފެނިފައިވަނީ އުމުރުން 58 އަހަރުގެ ދިވެހި ފިރިހެނެއް ކަމަށްވެސް ފުލުހުން ވިދާޅުވިއެވެ.
"މިހާތަނަށް ބެލި ބެލުމުން ތުހުމަތުކުރެވޭ އެއްވެސް ކަމެއް ފާހަގަކުރެވިފައި ނުވޭ." ފުލުހުން ވިދާޅުވިއެވެ.
މި މައްސަލަ އިތުރަށް ތަޙްޤީޤު ކުރަމުންދާ ކަމަށްވެސް މޯލްޑިވްސް ޕޮލިސް ސަރވިސް އިން ވިދާޅުވިއެވެ.
