ނިޔާވެފައި އޮތް މީހަކު މާލޭ ގެސްޓްހައުސް އަކުން ފެނިއްޖެއެވެ.
ކާސިންޖީ މަގުގައި ހުރި ގެސްޓްހައުސް އެއްގެތެރޭ މަރުވެފައި އޮތް މީހަކު ފުލުހުންނާއި ކަމާބެހޭ ފަރާތްތަކުން އެމްބިއުލާންސްގައި ގެންގޮސްފައިވާކަން ވަނީ އެނގިފައެވެ.
މައުލޫމާތު ލިބިފައިވާ ގޮތުގައި މަރުވެފައިވަނީ ބިދޭސީއެކެވެ.
މިކަމާއި ގުޅިގެން ފުލުހުން ވިދާޅުވީ ކާސިންޖީ މަގުގައި ހުރި ގެސްޓްހައުސް އެއްގައި 38 އަހަރުގެ ބަނގްލަދޭޝް ފިރިހެނެއް މަރުވެފައި އޮއްވާ ފެނިފައިވާކަމަށް މިއަދު 09:10 ހާއިރު ފުލުހުންނަށް ރިޕޯޓް ކޮށްފައިވާކަމަށެވެ.
ފުލުހުންނަށް މައުލޫމާތު ލިބިފައިވާ ގޮތުގައި އެ މީހާއަކީ މ.ކޮޅުފުށިން އައި މީހެއް ކަމަށާއި ބަނޑަށްތަދުވާތީވެ މާރޗް 28 ވަނަ ދުވަހު އޭޑީކޭ ހޮސޕިޓަލަށް ޑޮކްޓަރަށް ދައްކާފައިވާކަމަށާއި އަދި މިއަދު އެމީހާ ޑޮކްޓަރަށް ދާން ޖެހޭ ކަމަށް ފުލުހުން ވިދާޅުވިއެވެ.
ފުލުހުން ވިދާޅުވީ މިކަމާއި ގުޅިގެން ފުލުހުން ބަލަންޖެހޭ ކަންކަން ދަނީ ބަލަމުން ކަމަށެވެ.
