އެސްޓީއޯ ސުޕަމާޓުން އޮންލައިންކޮށް ވިޔަފާރި ކުރެވޭ ގޮތް ހަދައިފި އެވެ.
އެސްޓީއޯއިން މިއަދު ކުރި ޓްވީޓެއްގައި ބުނެފައިވަނީ މިހާރު އެކުންފުނީގެ (eSTOre) ވެބްސައިޓުން ކަސްޓަމަރުން ބޭނުންވާ ތަކެތި ގަނެލެވޭނެ ކަމަށެވެ. ކަސްތަމަރުންނަށް ޑެލިވަރީ އަދި ޕިކްއަޕް ސާވިސްވެސް ނެގެން ހުންނާނެ ކަމަށް އެސްޓީއޯއިން ބުނެއެވެ. ޑެލިވަރީގެ ހިދުމަތް ހުޅުމާލެ އާއި ވިލިމާލެ އަށް ވެސް ފޯރުކޮށް ދިނުމަށް ވަނީ ހަމަޖެހިފަ އެވެ.
އީސްޓޯ މެދުވެރިކޮށް ގަންނަން ބޭނުންވާ ހުރިހާ ތަކެއްޗެއް ވެބްސައިޓުގެ ކާޓަށް އެޅުމަށް ފަހު އޮންލައިންކޮށް އެ ހުރިހާ އެއްޗަކަށް ފައިސާ ވެސް ދެއްކޭނެ އެވެ. އެސްޓީއޯގެ ޕީޕަލްސް ޗޮއިސް ސުޕަމާޓުން ލިބެން ހުންނަ ހުރިހާ އެއްޗެއް ކަހަލަ ގޮތަކަށް އޮންލައިންކޮށް ގަނެވޭނެ އިންތިޒާމް އެ ކުންފުނިން މިހާރު ވަނީ ހަމަޖައްސާފަ އެވެ.
ކޮވިޑް-19 އާއި ގުޅިގެން ގިނަ ހިދުމަތްތަކެއް ދަނީ އޮންލައިންކޮށް ލިބޭނެ އިންތިޒާމްތައް ހަމަޖައްސަމުންނެވެ.
