މާލެއިން ގެއްލިގެން ހޯދަމުންދިޔަ މީހާ ނިޔާވެފައި އޮއްވާ ފެނިއްޖެއެވެ.
މޯލްޑިވްސް ޕޮލިސް ސަރވިސް އިން ވިދާޅުވީ، މާފަންނުގައި ހުރި ގެއަކުން މިއަދު ހެނދުނުން ފެށިގެން 37 އަހަރުގެ ދިވެހި ފިރިހެނަކު ނުފެނިގެން މިރޭ 22:17 ހާއިރު ފުލުހުންނަށް ހުށަހަޅާފައިވާ ކަމަށެވެ.
"މިހާދިސާއާއި ގުޅިގެން އެމީހާ ހޯދުމަށް ފުލުހުން ކުރި މަސައްކަތުން، އެގޭގެ ވައިގޮޅި ތެރެއަށް އެމީހާ ވެއްޓިފައި އޮއްވާ މިރޭ 22:36 ހާއިރު ފުލުހުންނަށް ފެނިގފައިވޭ." ފުލުހުން ވިދާޅުވިއެވެ.
އެމީހާ އައިޖީއެމް ހޮސްޕިޓަލަށް ގެންގޮސްފައިވާ ކަމަށާއި، އެމީހާ ހޮސްޕިޓަލަށް ގެންދެވުނުއިރުވެސް ނިޔާވެފައިވާކަމަށް ޑޮކްޓަރުންނާ ހަވާލާދީ ފުލުހުން ވިދާޅުވިއެވެ.
މާލެއިން ހެނދުނު ގެއްލުނު މީހަކު ނުފެނިގެން ހޯދަމުންދިޔައިރު، އެ މައްސަލަ ފުލުހުންނަށް ހުށަހެޅިފައިވަނީ މިރޭ 22:17 ހާއިރުކަން ފާހަގަވެފައިވާއިރު، އެމީހާ ފެނިފައިވަނީވެސް އެ ގޭގެ ވައިގޮޅި ތެރެއަށް ވެއްޓި މަރުވެފައި އޮއްވާކަމުން އެމީހާގެ މަރާމެދު ބައެއް ފަރާތްތަކުން ސުވާލު އުފައްދައެވެ.
މިކަމާ ގުޅިގެން ފުލުހުން އިތުރަށް އެއްޗެއް ވިދާޅުވެފައެއް ނުވެއެވެ.
