ފުލުހުންގެ އަޕަރ ސައުތު ޕޮލިސް ޑިވިޝަންގެ ގދ. ތިނަދޫ ޕޮލިސް ސްޓޭޝަނުން ތަހުގީގު ކުރަމުންދާ މައްސަލައެއްގެ ތަހުގީގަށް ޙާޟިރުކުރުމަށް މީހަކު ހޯދުމުގެ މަސައްކަތް ފުލުހުން ފަށައިފިއެވެ.
ފުލުހުން ވިދާޅުވެފައިވަނީ އޭނާ ހޯދުމުގެ މަސައްކަތް ފަށާފައި ވަނީ އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ޙާޟިރުވުމަށް ޗިޓް ރައްދުކުރެވިފައިނުވާތީއާއި އާއިލާއަށްވެސް އުޅޭ ވަކިތަނެއް އެނގިފައިނުވާތީ، ޖިނާއީ މައްސަލަތައް ތަޙުޤީޤުކުރުމުގައި ފުލުހުން ޢަމަލުކުރާނެ އިޖުރާއަތުގެ ޤަވާއިދުގެ 27 ވަނަ މާއްދާގައި ވާގޮތުގެ މަތިން ކަމަށެވެ.
ތަޙްޤީޤަށް ހާޒިރު ކުރުމަށް ފުލުހުން ހޯދަމުން ދަނީ ގދ. ތިނަދޫ، އަލްބޭނިޔާ، އަޙްމަދު ޝާކިރު (26އ) އެވެ.
އެގޮތުން ޝާކިރު ހޯދަމުންދަނީ ގއ.އަތޮޅު ރިސޯޓެއްގެ ކައިރިއަށް އެންދަމަން ފައިބާ އުޅުނު މީހެއް ނިޔާވި މައްސަލައިގެ ތަހުގީގުގައި ސުވާލުކުރުމަށް ކަމަށްވެސް ފުލުހުން ވަނީ ވިދާޅުވެފައެވެ.
ފުލުހުން ވަނީ 2020 އޭޕްރީލް 14 ވަނަ ދުވަހުގެ 14:00 އަށް، ގދ. ތިނަދޫ ޕޮލިސް ސްޓޭޝަން ހާޒިރު ވުމަށް ޝަކިރުއަށް އަންގާފައެވެ.
