ދިވެހިރާއްޖެއިން ކޮވިޑް-19 ޖެހުނު އިތުރު މީހަކު އެބަލިން ރަނގަޅުވެއްޖެއެވެ.
ދަރުބާރުގޭގައި މިހާރު ކުރިއަށްދާ ނޫސްވެރިންގެ ބައްދަލުވުމުގައި ވާހަކަދައްކަވަމުން ޑރ. އިބްރާހިމް އަފްޒަލް ވިދާޅުވީ، ކޮވިޑް-19 ޖެހުނު މީހަކު މިއަދު ވަނީ ރިކަވާ ވެފައި ކަމަށާއި އެއީ ކޭސް 86 ކަމަށެވެ.
"މީގެ އިތުރުން އެކަކު ވަނީ ޑީއެޗް 11 އިން ދޫކޮށްލައިފައި. މިހާރު އެތާނގައި ތިބީ ތިން މީހުން." ޑރ. އަފްޒަލް ވިދާޅުވިއެވެ.
މިއާއެކު ރާއްޖެއިން ކޮވިޑް-19 އަށް ޕޮޒިޓިވްވި 835 މީހުންގެ ތެރެއިން ރަނގަޅުވީ މީހުންގެ ޖުމްލަ އަދަދުވަނީ 30 އަރައިފައެވެ. އަދި މިބަލީގެ އެކްޓިވް ކޭސަސްގެ އަދަދަކީ 803 އެވެ. މީގެތެރެއިން ތިންމީހަކަށް ފަރުވާދެމުންދަނީ ހޮސްޕިޓަލުގައެވެ.
ރާއްޖެއިން ކޮވިޑް-19 އަށް ޕޮޒިޓިވްވީ 835 މީހުންގެ ތެރެއިން ދިވެހިންގެ އަދަދަކީ 276 އެވެ. އަދި ބިދޭސީންގެ އަދަދަކީ 559 އެވެ. ބިދޭސީންގެ ތެރެއިން އެންމެ ގިނަ އަދަދަކަށް ޕޮޒިޓިވް ވެފައިވަނީ ބަންގުލަދޭޝް މީހުންނާއި އިންޑިއާ މީހުންނެވެ.
