ރޭ ހުޅުމާލެ ޖަލުން ނިޔާވި ޤައިދީ ކޮވިޑް 19އަށް ތަޙުލީލު ކުރުމަށްޓަކައި ނެގުނު ސާމްޕަލްގެ ނަތީޖާ ނެގެޓިވް ވެފައިވާކަން ހެލްތު ޕްރޮޓެކްޝަން އޭޖެންސީ (އެޗްޕީއޭ) އިން ކަށަވަރު ކޮށްދެއްވައިފިއެވެ.
މިކަން ހާމަކުރައްވާފައިވަނީ ކަރެކްޝަނަލް ސަރވިސްގެ ފަރާތުން މިރެއެވެ. ކަރެކްޝަނަލްއިން ވިދާޅުވީ، ނިޔާވި ޤައިދީގެ ނަތީޖާ ނެގެޓިވް ވެފައިވާކަން އެޗްޕީއޭއިން އެ ސަރވިސްއަށް އަންގާފައިވާ ކަމަށެވެ.
ރޭ ހުޅުމާލެ ޖަލުން ނިޔާވި ޤައިދީ ކޮވިޑް 19 އަށް ތަޙުލީލު ކުރުމަށްޓަކައި ނެގުނު ސާމްޕަލް ނެގެޓިވް ވެފައިވާކަމަށް އެޗްޕީއޭ އިން ކަށަވަރު ކޮށްދެއްވައިފި.
— Corrections Mv (@Corrections_Mv) May 13, 2020
ރޭ ހުޅުމާލެ ޖަލުގައި ނިޔާވެފައިވަނީ ހުކުމް ތަންފީޒުކުރަމުންދިޔަ އުމުރުން 92 އަހަރުގެ ފިރިހެނެކެވެ. އެމީހާ ނިޔާވުމާއި ގުޅިގެން ކޮވިޑް-19 އަށް ޓެސްޓްކުރުމަށް ސާމްޕަލް ނަގާފައިވާއިރު، ކަށުކަމާކެމީގެ ކަންކަން ކުރިއަށް ގެންގޮސްފައިވަނީ ކޮވިޑް-19 ޖެހޭ މީހުންނާމެދު ޢަމަލުކުރާ ހާއްސަ އުޞޫލުގެ ތެރެއިންނެވެ.
މިކަމުގެ މަޢުލޫމާތު ކަރެކްޝަނަލް ސަރވިސްއިން ވަނީ ކަމާބެހޭ އެހެނިހެން އިދާރާތަކަށްވެސް ހިއްސާކޮށްފައެވެ.
ހިޔާލު
Avas natheeja nerevey iru natheeja affahu kashukamaa kemeege kankan nukuranee keevvetho. Dheravaane kameh.