މިއަދު މާލެއަށް ކުރި ވިއްސާރައިގައި ކުޅިވަރު އެކުވެނީގެ ފުރާޅުން ބަޔެއް އެއްލާލައިފިއެވެ.
މިނިސްޓަރ އޮފް ޔޫތް، ސްޕޯޓްސް، އެންޑް ކޮމިއުނިޓީ އެމްޕަވަރމެންޓް އަހުމަދު މަހުލޫފު ދާދިދެންމެއަކު ކުރި ޓުވީޓެއްގައި މިކަންވަނީ ހާމަކުރައްވައިފައެވެ. އަދި ކުޅިވަރު އެކުވެނީގެ ފުރާޅު އެއްލާލާ މަންޒަރުގެ ވީޑިއޯވެސްވަނީ ހިއްސާކޮށްފައެވެ.
މިއަދަކީ މުޅި ރާއްޖެއަށްވެސް ވިއްސާރަ ދުވަހެކެވެ. މިގޮތުން މޫސުމާބެހޭ ގައުމީ އިދާރާއިން 55 މޭލަށް ވައިގަދަވާނެކަމަށް ލަފާކޮށް، މެދުރާއްޖެ ތެރެއަށާއި އުތުރަށް ދާދިދެންމެއަކުވަނީ ޔެލޯ އެލާރޓްވެސް ނެރެފައެވެ.
Miadhu vaibaaruvi vaguthu Kulhivaru Ekuveneege furaalhun bodu baehvanee ellaalaafa. pic.twitter.com/sQlwvG8EpS
— Ahmed Mahloof (@AhmedMahloof) June 13, 2020
މޫސުމާއި ގުޅިގެން ފުލުހުންވެސްވަނީ، މޫސުމަށް ސަމާލުވުމަށް އަންގައިފައެވެ. މިގޮތުން ގަދަވަޔާއެކު ފުރާޅުތައް މަތީގަޔާއި އަދި ބެލްކަނީތަކުގައި އެއްލާލަފާނެ ގޮތަށް ހުންނަ ތަކެތި އެތަންތަނުން ނަގައި ދަތުރުފަތުރު ކުރުމުގައި ސަމާލުވުމަށް ފުލުހުންވަނީ އިލްތިމާސް ކޮށްފައެވެ.
#WeatherWarning in place for Maldives tonight with heavy showers and thunderstorms with strong winds expected. Exercise caution when traveling and driving. Ensure any objects that can blow away due to strong winds be removed from rooftops and balconies #StaySafe 1/2 pic.twitter.com/JfJB7xoS4M
— Maldives Police (@PoliceMv) June 13, 2020
މިދުވަސްވަރު ރާއްޖެއަށް ކުރަމުންމިދާ ވިއްސާރައަކީ ހުޅަނގު މޫސުމުގެ ވިއްސާރަކަމަށް މޫސުމާބެހޭ ގައުމީ އިދާރާއިން މައުލޫމާތު ދެއެވެ. ކޮންމެ އަހަރެއްގެ ޖޫން، ޖުލައި ރާއްޖެއަށް ފާހަގަ ކޮށްލެވިގެންދަނީ މޫސުން ވަރަށް ގޯސް ދުވަސްކޮޅެއްގެ ގޮތުގައެވެ.
