ހަލުވިކަމާއެކު ފެތުރެމުންދާ ނުރައްކާތެރި ކޮވިޑް-19 ޖެހިގެން އިންޑިއާއިން އަނެއްކާވެސް މަރުވާ މީހުންގެ އަދަދު އިތުރުވެއްޖެއެވެ.
ކޮވިޑްގެ އެންމެ ފަހުގެ މައުލޫމާތުތަކަށް ބަލާއިރު، އިއްޔެ އެކަނިވެސް ކޮވިޑް-19 ޖެހިގެން އިންޑިއާއިން އިތުރު 2006 މީހަކު މަރުވެފައި ވެއެވެ.
ކޮވިޑް-19 ތަފާސްހިސާބުތަކަށް ބަލާއިރު، މިދިޔަ 24 ގަޑިއިރު ތެރޭގައި އިތުރު 11,135 މީހަކު ހިމެނޭހެން އިންޑިއާއިން މިހާތަނަށް ބަލި ޖެހުނު މީހުންގެ ޖުމްލަ އަދަދު ވަނީ 354,161 އަށް އަރާފައެވެ.
އިންޑިއާއަކީ ދުނިޔެއިން ހަތަރު ވަނައަށް އެންމެ ގިނަ ބަޔަކު ފައްސިވެ، ދެކުނު އޭޝިއާ ސަރަޙައްދުން ބަލީގެ ނުރައްކާ އެންމެ ބޮޑުވެފައިވާ ޤައުމެވެ. އަދި އެޤައުމަކީ އެމެރިކާ އާއި ބްރެޒިލް ފިޔަވައި މިހާރު އެންމެ ހަލުވިކަމާއެކު މިބަލި ފެތުރެމުންދާ ޤައުމަކީވެސް އިންޑިއާއެވެ.
އިންޑިޔާއިން ކޮވިޑް-19 އަށް ޕޮޒިޓިވް ވެފައިވާ މީހުންގެ ތެރެއިން 8,944 މީހަކު ހާލު ގޯސްވެގެން ފަރުވާ ދަމުންދާ ކަމަށްވެސް ރިޕޯޓް ކޮއްފައިވެއެވެ.
