މާލެ ޖަލުގައި މަސައްކަތްކުރާ އޮފިސަރަކު ކޮވިޑަށް ޕޮޒިޓިވް ވެއްޖެއެވެ.
މޯލްޑިވްސް ކަރެކްޝަންސް ސަރވިސްއިން ވިދާޅުވީ، މާލެ ޖަލުގައި މަސައްކަތްކުރާ އީއެސްޖީ އޮފިސަރެއް މިއަދު ކޮވިޑް-19 އަށް ޕޮޒިޓިވްވެފައިވާކަމަށެވެ.
އަދި އެކަމާއި ގުޅިގެން ކަނޑައަޅާފައިފާ އުސޫލުތަކާ އެއްގޮތަށް އެސަރވިސްއިން ޢަމަލު ކުރަމުންދާކަމަށާއި، އެގޮތުން، އެޗްޕީއޭ އާ ގުޅިގެން ކޮންޓެކްޓް ޓްރޭސިންގ ހެދުމާއިއެކު އޮފިސަރުންނާއި ގައިދީން ކޮވިޑަށް ޓެސްޓުކުރުމަށް ކުރަންޖެހޭ މަސައްކަތް ކުރިއަށްދާކަމަށްވެސް ކަރެކްޝަންސްއިން ވިދާޅުވިއެވެ.
މާލެ ޖަލުގައި މަސައްކަތްކުރާ އީއެސްޖީ އޮފިސަރެއް މިއަދު ކޯވިޑް-19 އަށް ފައްސި ވުމާ ގުޅިގެން، މި ސަރވިސްއިން ކަނޑައަޅާފައިފާ އުސޫލުތަކާ އެއްގޮތަށް ދަނީ އަމަލު ކުރަމުން. 1/2
— Maldives Correctional Service (@CorrectionsMv) June 20, 2020
ޖަލުތަކުގައި ކޮވިޑް ނެތްކަން ޔަގީން ކުރުމަށް މީގެކުރިން އޮފިސަރުންނާއި ގައިދީންގެ ރެންޑަމް ސާމްޕަލް ތަކެއް ނަގާފައިވާއިރު، އެ ހުރިހާ ސާމްޕަލްތަކެއްވެސްވަނީ ނެގެޓިވްވެފައެވެ.
ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަަދަދު 2150 އަށް އަރާފައިވާއިރު، މިބަލިން 1769 މީހަކުވަނީ ރަނގަޅުވެފައެވެ. އަދި މިބަލީގައި ރާއްޖެއިން 8 މީހަކު ނިޔާވެފައިވެއެވެ.
