މަސްވެރިއެއްގެ ލޯ މަތީގައި މަހަކުން ޖެހި ހާލު ދެރަވެއްޖެ އެވެ.
އެމްއެންޑީއެފް އިން ވިދާޅުވީ މަސްވެރިކަން ކުރަން އުޅުނު "މިޔަރެން" ނަމަކަށް ކިޔާ ދޯނީގައި ހުރި ފަޅުވެރިއެއްގެ ލޯ މަތީގައި، ބޭނި މަހަކުން ޖެހި، އެމީހާގެ ހާލު ދެރަވެގެން އެމްއެންޑީއެފް ނޮދާން އޭރިއާ، ކޯސްޓުގާޑު ސްކޮޑަރުން ހަރަކާތްތެރިވާން ފަށާފައިވާ ކަމަށެވެ.
އެމްއެންޑީއެފް އިން ވިދާޅުވީ ބޭނި މަހަކުން ލޯމަތީގައި ޖެހި ހާލު ދެރެވެފައިވަނީ ށ. ފޯކައިދޫގެ އިރު އުތުރުން 6 ނޯޓިކަލް މޭލު ބޭރުގައި މަސްވެރިކަން ކުރަން އުޅުނު މި ދޯނީގައި ހުރި 65 އަހަރުގެ ދިވެހި ފިރިހެނެއް ކަމަށެވެ.
މި ހާދިސާގެ ރިޕޯޓު އެމްއެންޑީއެފް ކުޅުދުއްފުށީ ޕޯސްޓަށް ލިބިފައިވަނީ މިއަދު ހެނދުނު 9:14 އެހާއިރު ކަމަށެވެ.
Sh.Foakaidhoo ge iru uthurun 6NM beyrugai Masverikan kuran ulhunu "Miyaren" Dhoaneegai huri 65 aharuge dhivehi falhuverieh ge loa matheegai, beyni mahakun jehi haalu dheravegen MNDF NA CG Squadron in harakaaiytherivaan fashaifi. Mi haadhisaage report libifaivanee 09:14 haairu. pic.twitter.com/Wwsj9A7Nn9
— Maldives National Defence Force (@MNDF_Official) June 25, 2020
މިފަދަ ކަނޑު މަތީގެ ހާދިސާ ތަކުގައި އެމްއެންޑީއެފް ކޯސްޓްގާޑު ސްކޮޑަރުން އަބަދުވެސް އަންނަނީ އެހީތެރިކަން ފޯރުކޮށްދެމުން ނެވެ.
