އޭޓީއެމްއިން ރުފިޔާ ނެގުމަށްފަހު، ކާޑު މަތިން ހަނދާން ނެތިގެން ކާޑު އޭޓީއެމްއަށް ދޫކޮށްލާފައި ގެއަށް އަންނަ މީހުން މިރާއްޖޭގައި ވަކި މަދެއް ނުވާނެއެވެ.

މިކަމާއި ގުޅިގެން ކަސްޓަމަރުންނަށް ދިމާވާ ދަތިތައް ޙައްލުކޮށްދިނުމަށް ބީއެމްއެލްއިން މިވަނީ އޭޓީއެމްއިން ފައިސާ ނެގުމުގައި ބަދަލުތަކެއް ގެނެސްފައެވެ. އެގޮތުން ބީއެމްއެލްއިން ވިދާޅުވީ، މިއަދުން ފެށިގެން ބީއެމް އެލް ގެ ހުރިހާ އޭޓީއެމްތަކުން ފައިސާ ނެގޭނީ ކާޑު ނެންގެވުމުންކަމަށެވެ.

We have made changes to how you use your card at our ATMs for Cash Withdrawals. Taking into consideration customer feedback regarding forgotten and misplaced cards, this change ensures that cash will be dispensed only after the card is removed. pic.twitter.com/gFzGkJFjzV

— Bank of Maldives (@bankofmaldives) June 25, 2020

"މިހާރު ފައިސާ ލިބިވަޑައިގަންނަވާނީ ކާޑު ނެންގެވުމުން." ބީއެމްއެލްއިން ވިދާޅުވިއެވެ.

އަދި ބީއެމްއެލްއިން ވިދާޅުވި ގޮތުގައި މިގޮތަށް ބަދަލުތައް ގެނެސްފައިވަނީ ކަސްޓަމަރުންގެ ފީޑުބެކަށް ބެލުމަށް ފަހުކަމަށެވެ. އެގޮތުން ރުފިޔާ ނެގުމަށް ފަހު، ހަނދާން ނެތިގެން އޭޓީއެމް އަށް ކާޑު ދޫކޮށްފައި ދެވޭކަމުގެ ގިނަ ޝަކުވާތަކެއް ބޭންކަން ލިބިފައިވާކަން އެބޭންކުންވަނީ ފާހަގަކޮށްފައެވެ. ބީއެމްއެލްއިން ވިދާޅުވީ، އޭޓީއެމްއިން ފައިސާ ނެގުމަށް ގެނެވުނު މިބަދަލާއެކު ހަނދާނެތިގެން އޭޓީއެމްގައި ކާޑު ބަހައްޓާފައިވާ ދެވޭ މައްސަލައަށް ޙައްލެއް ލިބިގެންދާނެކަމަށެވެ.