އިރާދަ ކުރެއްވިއްޔާ ކުރިޔަށް އޮތް ހަތަރު މަސްތެރޭގައި އިތުރު 68 ރަށަކަށް ކުޑަކުދިންގެ ޕާކް ފޮނުވޭނެކަމުގައި ޔޫތް މިނިސްޓަރ އަޙްމަދު މަހްލޫފު ވިދާޅުވެއްޖެއެވެ.
މަޙްލޫފް ވިދާޅުވެފައި ވަނީ ޔޫތް މިނިސްޓްރީ އިން މިހާތަނަށް 37 ރަށަކަށް ކުޑަކުދިންގެ ޕާކް ފޮނުވާފައިވާނެކަމަށާއި، ޕާކްތައް މަރާމާތުކޮށް ބެލެހެއްޓުމަކީ ކައުންސިލްތަކުގެ ޒިންމާތެރޭގައި ހިމެނޭ ކަމެއް ކަމަށެވެ.
Youth Ministry inn mihaathanah 37 rashakah kudakudhinge park vaanee fonuvaafa. Iraadhakureviyyaa kuriah oiy 4 mastherey ithuru 68 rashah park fonuveyne.
Park thah maraamaathukoh belehettumakee Council thakuge zinmaathereyga himeney kameh.
— Ahmed Mahloof (@AhmedMahloof) July 17, 2020
ދާދި ފަހުން ވަނީ އިންޑިއާ ސަރުކާރުގެ އެހީގައި 61 ރަށެއްގައި އައުޓްޑޯރ ޖިމް ގާއިމް ކުރުމަށް ބޭނުންވާ ސާމާނު އެ މިނިސްޓްރީއާއި ހަވާލު ކޮށްފައެވެ. މިނިސްޓަރ މަޙްލޫފް ވަނީ ޖިމް ޤާއިމް ކުރުމަށް ނިންމާފައިވާ ރައްތަށްވެސް މިހާރު އިޢުލާނު ކުރައްވާފައެވެ.
މިގެ އިތުރުން ޔޫތް މިނިސްޓްރީން އަންނަނީ ރަށްރަށުގައި ފުޓް ބޯޅަ ދަނޑުތަކުގައި ޓާފް އަޅައި ދަނޑުތައް ތަރައްޤީ ކުރުމުގެ މަސައްކަތްތައްވެސް ކުރައްވަމުންނެވެ. އެގޮތުން ނ. ހޮޅުދޫގައި ޤާއިމް ކުރި ޓާފް ދަނޑުގެ މަސައްކަތް ނިންމާލެވިފައިވާކަމަށް މިނިސްޓަރ މަޙްލޫފް ވަނީ ފާއިތުވި ހަފްތާތެރޭގައި ހާމަކުރައްވާފައެވެ.
