އައިޖީއެމްއެޗްގައި ކޮވިޑް-19 ވައިރަސް ދެނެގަތުމަށް މިހާތަނަށް ފަންސާސް ހާހަށްވުރެ ގިނަ ޕީސީއާރު ޓެސްޓު ހަދާފައިވާކަމަށް އެހޮސްޕިޓަލުން ވިދާޅުވެއްޖެއެވެ.
މިކަން ހާމަކުރައްވައި ސަރުކާރުގެ އައިޖީއެމްއެޗް އިން ކުރެއްވި ޓްވީޓެއްގައި ބުނީ، ކޮވިޑްގެ ބަލި މީހުން ރާއްޖެއިން ފެންނަން ފެށުމާއެކު އެ ހޮސްޕިޓަލުން ކޮވިޑަށް ޓެސްޓް ކުރަން ފަށާފައިވާ ކަމަށާ މިއަދުގެ ނިޔަލަށް 50،000 ގިނަ ސާމްޕަލް ޓެސްޓްކޮށްފައިވާ ކަމަށެވެ.
IGMH Laboratory has successfully proceeded over 50,000 PCR tests for COVID-19 on 17th July 2020.
This is the confirmatory test done for COVID-19 infection, through a sample taken from the throat and/or nasal swab, which detects virus at an early stage.— IGMH (@igmhmv) July 17, 2020
ކޮވިޑް-19 މާޗްމަހުގެ ތެރޭގައި ރާއްޖެއިން ފެނުމަށް ފަހު މިހާތަނަށް ރާއްޖޭގައި ފަސްދޮޅަސް ފަސްހާހަށްވުރެ ގިނަ ޓެސްޓު ހަދާފައިވާއިރު މީގެތެރެއިން 75 އިންސައްތައަށްވުރެ ގިނަ ޓެސްޓު ހަދާފައިވަނީ އައިޖީއެމްއެޗުގެ ލެބޯޓްރީގައެވެ. އެންމެ ފުރަތަމަ އެހޮސްޕިޓަލުގައި ޓެސްޓުކުރަން ފެށިއިރު ޓެސްޓުގެ ނަތީޖާ ލިބުމަށް ގާތްގަނޑަކަށް 10 ގަޑިއިރާއި 12 ގަޑިއިރުގެ ވަގުތެއް ހޭދަވި ނަމަވެސް ދާއިމީ ގޮތެއްގައި ޓެސްޓު ހެދުމުގެ އިންތިޒާމުތައް ހަމަޖެއްސި ފަހުން މިހާރު ވަނީ ނަތީޖާ ލިބުން އަވަސްވެފައެވެ. އެގޮތުން މިހާރު ގާތްގަނޑަކަށް 6 ގަޑިއިރުގެ ތެރޭގައި ޓެސްޓުގެ ނަތީޖާ ލިބެއެވެ.
ރާއްޖެއިން މިހާތަނަށް ކޮވިޑް-19 2899 މީހަކަށް ޖެހިފައިވާއިރު، އޭގެ ތެރެއިން 2,339 ވަނީ ރަނގަޅުވެފައެވެ. އަދި ރާއްޖެއިން 15 މީހަކު ވަނީ މިބަލީގައި މަރުވެފައެވެ.
