ރާއްޖޭގައި ހުރި އެންމެ ދުވަސްވީ މީހާ ނިޔާވެއްޖެ އެވެ.
ހދ. ހަނިމާދޫއަށް ނިސްބަތްވާ، ހއ.ހަތިފުއްޓަށް އުފަން ޢުމުރުން 106 އަހަރުގެ ޢަބްދުއްރަހްމާނު މޫސާ ނިޔާވެފައި ވަނީ މިއަދު ހެނދުނު 7:30 ގައެވެ.
އަބްދުއްރަހްމާނުގެ އެންމެ ހަގު ފިރިހެން ދަރިފުޅު އަބްދުއްރަޝީދު(57އ) "ޕީއެސްއެމް" ނޫހަށް މައުލޫމާތު ދިންގޮތުގައި، ބުނީ އޭނާގެ ބައްޕަގެ ޞިއްޙީ ޙާލަތު ވަރަށް ފަހަކާ ޖެހެންދެންވެސް ރަނގަޅުކަމަށާއި މީހެއްގެ އެހީއެއް ނެތި އަމިއްލައަށް ހިނގާބިނގާވެއުޅޭކަމަށެވެ. އަދި ފަސޭހަކަމާއެކު މީހުންނާ ވާހަކަވެސް ދައްކާއުޅުނުކަމަށް އޭނާ ބުންޏެވެ.
ޢަބްދުއްރަޙުމާނު ވަޅުލާފައިވަނީ މިއަދުގެ މެންދުރު ނަމާދަށްފަހު ހަނިމާދޫ ސަހަރާގައެވެ.
