ފިޝަރީޒް މިނިސްޓްރީގެ ޑިރެކްޓާ އޮފް ކޮމިއުނިކޭޝަންސް އަހްމަދު ފަޒީލްއަށް ޖިންސީ ގޯނާގެ ބޮޑެތި ތުހުމަތުތަކެއް ކުރެވުމާއެކު، އެ މަޤާމުން އޭނާ ސަސްޕެންޑް ކޮށްފިއެވެ.
ރައީސް އޮފީހުގެ ތަރުޖަމާނު އިބްރާހިމް ހޫދު ވިދާޅުވީ، ފަޒީލްއާ ގުޅިގެން ކުރެވޭ ޖިންސީ ގޯނާ ތުހުމަތުތަކާއި ގުޅިގެން އޭނާ މިހާރު އެ މަޤާމުން ސަސްޕެންޑް ކުރެވިފައިވާ ކަމަށެވެ. އަދި މި މައްސަލަ ،މިހާރު ތަހުޤީގު ކުރަމުން އަންނަ ކަމަށެވެ.
އުމުރުން 18 އަހަރު ނުފުރޭ ކުޑަ އަންހެން ކުއްޖަކު ރޭޕްކޮށް، އެކުއްޖާ ބަލިވެ އިންކަމަށް ބުނެ ސޯޝަލް މީޑިއާގައި ފަޒީލްއަށް ބޮޑެތި ތުހުމަތުތަކެއް އަންނަނީ ކުރަމުންނެވެ.
Following serious allegations of sexual harassment Ahmed Fazeel, Communication Director at the Ministry of Fisheries, Marine Resources and Agriculture has been suspended from his post. The matter is currently under investigation.
— Ibrahim Hood (@MvSpokesperson) July 20, 2020
ފަޒީލުއަށް ކުރެވެމުންދާ ޖިންސީ ގޯނާގެ ތުހުމަތު ތަކާއެކު، އޭނާ ނިސްބަތްވާ މޯލްޑިވްސް ރިފޯމް މޫވްމަންޓް (އެމްއާރްއެމް)އިންވެސް މައްސަލަ ބަލަން ފަށައިފިކަމަށް އެ ޕާޓީން ވަނީ ހާމަކޮށްފައެވެ.
އެމްއާރްއެމް އިން ކުރި ޓުވީޓެއްގައި ބުނީ އެ ޕާޓީގެ މަގާމެއްގައި ހުރި މީހަކާމެދު ޖިންސީ ފުރައްސާރައާއި އަނިޔާގެ ތުހުމަތުތަކެއް ސޯޝަލް މީޑިއާގައި ކުރެވެމުންދާތީ އެ މައްސަލަ ބަލަމުން އަންނަ ކަމަށެވެ. މައްސަލަ ބަލާ ނިމެންދެން ޕާޓީގެ ހަރަކާތް ތަކުން އޭނާ ވަނީ އެކަހެރި ކުރެވިފައިކަމަށް އެ ޓްވީޓްގައި ބުނެފައިވެއެވެ.
