މާޒިޔާ ސްޕޯޓްސް އެންޑް ރެކްރިއޭޝަންގެ ކޯޗަކަށް ތަޖުރިބާކާރު ކޯޗު މުހައްމަދު ނިޒާމް (ނިޒާމްބެ) ހަމަޖައްސައިފިއެވެ.
މާޒިޔާގެ ކޯޗްގެ މަގާމު ހުސްވީ އެންމެ ފަހުން އެ ޓީމުގައި މަސައްކަތް ކުރި މެސަޑޯނިއާގެ މަރުޔާން ސެކްލޮސްކީގެ ކޮންޓްރެކްޓް މާޗް މަހު ހަމަވުމުންންނެވެ. މުހައްމަދު ނިޒާމް މާޒިޔާގެ ކޯޗު ކަމާއި ހަވާލުވީ އެއް އަހަރު ދުވަހުގެ އެއްބަސްވުމުގެ ދަށުންނެވެ. އެގޮތުން ކުރިޔަށްއޮތް އޭއެފްސީ ކަޕް ފުޓްބޯޅަ މުބާރާތާއި އަންނަ ސީޒަންގައި މާޒިޔާގެ ކޯޗަކަށް ހުންނަނީ ނިޒާމްބެއެވެ.
ނިޒާމްބެ އެންމެ ފަހުން ކޯޗުކޮށްދިނީ ބަންގްލަދޭޝްގެ ޕްރިމިއާ ލީގުގެ ކްލަބެއް ކަމަށްވާ ސައިފް ސްޕޯޓިން އަށެވެ.
ނިޒާމްބެ އަކީ މާޒިޔާ ފުރަތަމަ ޑިވިޝަނުގައި ވާދަކުރަން ފެށި ފަހުން އެ ޓީމަށް ކޯޗުކޮށްދޭ ތިން ވަނަ ދިވެހި ކޯޗެވެ. ނިޒާމްބެގެ ކުރިން މާޒިޔާއާ އަށް އިރުޝާދުދިން ދެ ދިވެހި ކޯޗުންނަކީ އިސްމާއިލް މަހަފޫޒް (އިންމަ) އާއި އަލީ ސުޒޭން އެވެ.
We are delighted to announce that experienced coach Mohamed Nizam has joined Maziya SR as head coach for 2020 / 2021 season.
Welcome to the #greenboys coach @nixam02 #greenboys #gomaziyago #wearemaziya pic.twitter.com/b4RpQKw9UD
— MAZIYA SPORTS (@MaziyaSr) July 21, 2020
ކޯޗެއްގެ ގޮތުގައި ނިޒާމްގެ އެންމެ ކާމިޔާބު ދުވަސްތައް ހޭދަ ކުރީ ޓީސީގަ އެވެ.
ނިޒާމްބެވަނީ ޓީސީއަށް 2017 ވަނަ އަހަރު ބަންގްލަދޭޝްގައި ބޭއްވި ޝެއިޙް ކަމާލް އިންޓަރނޭޝަނަލް ކަޕްގެ ޗެމްޕިއަންކަން ހޯދައިދީ، 2018 ވަނަ އަހަރު ދިރާގު ދިވެހި ޕްރިމިއަރ ލީގުގެ ޗެމްޕިއަންކަންވެސް ޓީސީ އަށް ހޯދައިދީފައެވެ.
