ކޮވިޑް-19 ގެ ހާލަތު އިތުރަށް ގޯސްވުމަށް ފުރުސަތު ނުދެއްވާ، ބަލިން ސަލާމަތްވުމަށް އެންމެން އެކީ މަސައްކަތް ކުރުމަށް، ރައީސުލްޖުމްހޫރިއްޔާގެ ނައިބު ފައިސަލް ނަސީމް އެދިވަޑައިގަނެފިއެވެ.
ކޮވިޑް-19 އާއި ގުޅިގެން ރާއްޖޭއަށް ގެނައި ލޮކްޑައުންގެ ހާލަތަށް، ބޮޑެތި ލުއިތަކެއް ދިނުމާއި ގުޅިގެން، ޕޮސިޓިވް ވާމީހުންގެ އަދަދު ބޮޑުތަކުން އިތުރުވެފައިވާއިރު، ރާއްޖޭގެ ހާލަތު އިތުރަށް ގޯސްވެދާނެކަމަށް ކަމާބެހޭ އިދާރާތަކުވެސް ވަނީ ބުނެފައެވެ.
ނައިބު ރައީސް ކުރެއްވި ޓްވީޓެއްގައި ކޮވިޑް-19 ގެ ސަބަބުން ރާއްޖެއަށް ކުރިމަތިވި ކުރީގެ ޙާލަތަށް އަލިއަޅުވާލާފައިވެއެވެ.
"ޖަމާޢަތުގައި ނަމާދު ނުކުރެވި، ވިޔަފާރިތަށް ހުއްޓި، އެންމެން ގޭގައި ބަންދުވުމުގެ ގެއްލުން އަޅުގަނޑުމެންނަށް ވާނީ ތަހަަައްމަލު ކުރެވިފައި"، ނައިބު ރައީސްގެ ޓްވީޓްގައި ވިދާޅުވިއެވެ.
Jamaa'athuga namaadhu nukurevi, school thah bandhuve, viyafaari thah hutti, emmen geyga bandhu vumuge gellun alhugandumen emmenah vanee thahammal kurevifai.
Haalath ithurah goas vumah furusathu nudhevva. #Covid19 ge vaba in salaamai vumah emmen ekee masakai kuramaa.
— Faisal Naseem (@FaisalNasym) July 29, 2020
އެހެންކަމުން ހާލަތު އިތުރަށް ގޯސްވިޔަ ނުދީ އެންމެ އެކުގައި މަސައްކަތް ކުރުމަށް ނައީބް ރައީސް، ރައްޔިތުންގެ ކިބައިން އެދިލެއްވިއެވެ.
