ރާއްޖޭގެ ބޮޑު ސަރަހައްދަކަށް ބާރު ވައިޖެހި ކަނޑު ގަދަވާނެކަމަށް ލަފާކޮށް މޫސުމާބެހޭ ގައުމީ އިދާރާއިން ހުދު ސަމާލު ނެރެފިއެވެ.
މޫސުމާބެހޭ ގައުމީ އިދާރާއިން މިރޭ ނެރުނު ހުދު ސަމާލުގައި ބުނެފައިވަނީ، ހއ. އަތޮޅުން ތ. އަތޮޅާއި ދެމެދުގެ ރައްތަކަށް މިރޭ 23:00 އިން ފަތިހު 5:00 އާއި ދެމެދު ގަޑިއަކު19 މޭލާއި 24 މޭލާއި ދެމެދުގެ ބާރުމިނުގައި ވައިޖެހުން އެކަށީގެންވާ ކަމަށެވެ.
މީގެއިތުރުން، މިވަގުތުތަކުގައި އަންނަ ވިއްސާރަ ވިލާގަނޑުތަކުގައި ގަޑިއަކު ގާތްގަނޑަކަށް 40 މޭލަށް ވައިގަދަވެ ކަނޑުތައް ގަދަވާނެކަމަށް ލަފާކުރެވޭ ކަމަށްވެސް މޫސުމާބެހޭ ގައުމީ އިދާރާއިން މިރޭ ނެރުނު ހުދު ސަމާލުގައި ބުނެފައިވެއެވެ.
Alert White for strong winds and rough seas. pic.twitter.com/nvF2sdVzEO
— Maldives Meteorology (@MetMaldives) September 1, 2020
މޫސުމީ ނަކަތުން ބަލާނަމަ މިއަދަކީ ފުރަ ނަކަތުން ނުވަވަނަ ދުވަހެވެ. ފުރަ ނަކަތަކީ ހުޅަނގު މޫސުމުގެ 11 ވަނަ ނަކަތެވެ. މިއީ ހުޅަނގު މޫސުމުގައި އާންމު ގޮތެއްގައި ވާރޭ ވެހޭނެ އެންމެ ފަހު މޫސުންކަންވެސް ފާހަގަ ކޮށްލެވެއެވެ.
މިދުވަސްވަރަކީ މުޅި ދެކުނު އޭސިޔާ ސަރަހައްދައްވެސް މޫސުން ގޯސް ވިއްސާރަ ދުވަސްވަރެކެވެ.
